काठमाडौं । नयाँ वर्ष २०८३ को अवसरमा नव वर्षको पहिलो दिन राजधानीको बसन्तपुर क्षेत्रमा नयाँ सडक (शुक्रपथ) सांस्कृतिक महोत्सव आयोजना गरिएको छ ।

काठमाडौं महानगरपालिका वडा नम्बर २४ को आयोजनामा सम्पन्न उक्त महोत्सवले सांस्कृतिक विविधता र परम्परागत कला–संस्कृतिको समृद्ध झल्को दिने प्रस्तुतीहरुको झल्को दिएको छ ।

महोत्सवमा नेपाली कला, संस्कृति र परम्परालाई झल्काउने विभिन्न स्टलहरू राखिएका छन् । परम्परागत भेषभूषा, हस्तकला सामग्री, स्थानीय परिकार, संगीत तथा नृत्य प्रस्तुतीले दर्शकहरूको ध्यान आकर्षित गरेको छ । विशेषगरी नेवारी संस्कृति, लोक संगीत र परम्परागत नाचगानले वातावरणलाई उत्साहपूर्ण बनाएको देखिएको छ ।

नयाँ वर्षको अवसर पारेर आयोजना गरिएको यस महोत्सवले स्थानीय कला र संस्कृतिको संरक्षण तथा प्रवद्र्धनमा महत्वपूर्ण योगदान पुर्याउने अपेक्षा गरिएको छ । साथै, यसले आन्तरिक तथा बाह्य पर्यटकलाई आकर्षित गर्दै बसन्तपुर क्षेत्रको पर्यटन प्रवद्र्धनमा पनि टेवा पुग्ने विश्वास लिइएको छ ।

महोत्सवमा स्थानीय बासिन्दा, कलाकार, व्यापारी तथा विभिन्न संघ–संस्थाहरूको सक्रिय सहभागिता रहेको छ । नयाँ वर्षको पहिलो दिनमै सांस्कृतिक उत्सवमार्फत समुदायमा एकता, खुशी र सकारात्मक सन्देश फैलाउने उद्देश्यले कार्यक्रम आयोजना गरिएको आयोजकले जनाएको छ ।