काठमाडौँ । नेपाली ई–कमर्स प्लेटफर्म बिजबजारले नयाँ वर्ष २०८३ को अवसरमा ग्राहकहरूका लागि विशेष ‘नयाँ वर्ष अफर’ सार्वजनिक गरेको छ। कम्पनीका अनुसार उक्त योजना अन्तर्गत विभिन्न सामानहरूको खरिदमा ८३ प्रतिशतसम्मको आकर्षक छुट प्रदान गरिनेछ।

यो विशेष अफर २०८३ सालको वैशाख महिनाभर लागू हुने जनाइएको छ। नयाँ वर्षलाई हर्षोल्लासका साथ स्वागत गर्न ल्याइएको यस योजनाले ग्राहकहरूलाई सुपथ मूल्यमा आवश्यक सामग्री खरिद गर्ने अवसर दिने विश्वास कम्पनीले व्यक्त गरेको छ।

अफर अन्तर्गत ग्राहकहरूले घरायसी सामग्री, इलेक्ट्रोनिक्स, फेसन तथा अन्य दैनिक उपभोग्य वस्तुहरूमा उल्लेखनीय छुट पाउनेछन्। नेपाली बजारमा ई–कमर्सको पहुँच विस्तार गर्दै गुणस्तरीय सामान सहज रूपमा उपलब्ध गराउने उद्देश्यले योजना ल्याइएको कम्पनीले जनाएको छ।

ग्राहकहरूले गुगल प्ले स्टोर तथा एप स्टोरबाट बिजबजारको मोबाइल एप डाउनलोड गरी सजिलै अनलाइन किनमेल गर्न सक्नेछन्। साथै, ल्यापटप वा डेस्कटपमार्फत पनि बिजबजारको वेबसाइट प्रयोग गरी सेवा लिन सकिने व्यवस्था रहेको छ।

नयाँ वर्षको विशेष अफर अन्तर्गतका सामानहरू अनलाइन अर्डर गर्न सकिनेछ, जसले ग्राहकहरूलाई घरमै बसेर सुरक्षित र सहज किनमेल अनुभव प्रदान गर्ने कम्पनीको दाबी छ।