काठमाडौं । सिद्धार्थ बैंक लिमिटेडले ग्राहकहरूको तत्काल वित्तीय आवश्यकतालाई सहज र सर्वसुलभ रूपमा सम्बोधन गर्ने उद्देश्यले ‘सिद्धार्थ गोल्ड लोन’ सुविधा सञ्चालनमा ल्याएको छ।

बैंकले सार्वजनिक गरेको नयाँ कर्जा योजना अन्तर्गत ग्राहकहरूले आफ्नो सुन तथा सुनका गरगहनालाई धितो राखी अधिकतम ५० लाख रुपैयाँसम्म कर्जा लिन सक्नेछन्। धितो राखिएको सुनको मूल्यांकनका आधारमा बैंकले अधिकतम ७५ प्रतिशतसम्म कर्जा उपलब्ध गराउने जनाएको छ।

बैंकका अनुसार यो सुविधाले ग्राहकहरूको व्यक्तिगत तथा व्यावसायिक वित्तीय आवश्यकता सहज रूपमा पूरा गर्न सहयोग पुग्ने अपेक्षा गरिएको छ।

हालका लागि ‘सिद्धार्थ गोल्ड लोन’ सेवा काठमाडौंस्थित न्यूरोड गेट शाखाबाट उपलब्ध हुने बैंकले जनाएको छ। ग्राहकलाई छिटो, सुरक्षित तथा भरपर्दो वित्तीय सेवा प्रदान गर्ने उद्देश्यले यो सुविधा सञ्चालनमा ल्याइएको बैंकको भनाइ छ।

यस सम्बन्धी थप जानकारीका लागि बैंकको २४सै घण्टा सञ्चालनमा रहने ग्राहक सेवा केन्द्र ‘सिद्धार्थ केयर’ वा फोन नं. ०१–५९७००२० मा सम्पर्क गर्न सकिने बैंकले जनाएको छ। समाचार