काठमाडौं। सगरमाथा लुम्बिनी इन्स्योरेन्स कम्पनी लिमिटेडले आर्थिक वर्ष २०८२/८३ मा रु. ५ अर्ब ४२ करोड कुल बीमा शुल्क संकलन गरेको छ। कम्पनीले सोही अवधिमा रु. ४ अर्ब ९६ करोड बराबरको बीमा दाबी भुक्तानी गर्दै बीमितप्रतिको आफ्नो प्रतिबद्धता, द्रुत सेवा र विश्वासलाई थप सुदृढ बनाएको जनाएको छ।

कम्पनीका अनुसार पछिल्ला केही वर्षयता व्यवसाय विस्तार, सेवा सञ्जालको सुदृढीकरण तथा ग्राहक पहुँचमा निरन्तर वृद्धि भएको छ। यससँगै दाबी भुक्तानी क्षमतामा पनि उल्लेखनीय सुधार गर्दै कम्पनीले ग्राहकप्रतिको विश्वासलाई कायम राख्न सफल भएको जनाएको छ।

कम्पनीका प्रमुख कार्यकारी अधिकृत चंकी क्षेत्रीले कम्पनीप्रति विश्वास गर्ने ग्राहक, अभिकर्ता, व्यावसायिक साझेदार, कर्मचारी, शेयरधनी, नियामक निकाय तथा सम्पूर्ण सरोकारवालाप्रति आभार व्यक्त गर्दै आगामी दिनमा अझ उत्कृष्ट सेवा, छिटो दाबी भुक्तानी, नवीन बीमा समाधान तथा ग्राहककेन्द्रित सेवामार्फत विश्वासलाई थप मजबुत बनाउने प्रतिबद्धता व्यक्त गरे।

सगरमाथा लुम्बिनी इन्स्योरेन्स कम्पनीले आगामी दिनमा पनि प्रविधिमैत्री सेवा, सहज दाबी व्यवस्थापन तथा नवीन बीमा समाधानमार्फत ग्राहकलाई सुरक्षित, भरपर्दो र गुणस्तरीय सेवा प्रदान गर्दै नेपालको निर्जीवन बीमा क्षेत्रको दिगो विकासमा योगदानलाई निरन्तर अगाडि बढाउने जनाएको छ।