काठमाडौं। नाइमा नेपाल मोबिलिटी एक्स्पो–२०२६ मा बाइकर्स नेपालले दुई नयाँ मोटरसाइकल सार्वजनिक गरेको छ। कम्पनीले रेट्रो सेग्मेन्टमा ZX Moto 500F र सुपर स्पोर्ट्स सेग्मेन्टमा ZX Moto 820RR सार्वजनिक गरेको हो।

एक्स्पोमा यी दुवै मोटरसाइकलले मोटरसाइकलप्रेमी तथा युवा पुस्ताको ध्यान आकर्षित गरेका छन्। विशेषगरी बाइकर्स नेपालको स्टल एक्स्पोमा धेरै दर्शकको आकर्षणको केन्द्र बनेको थियो।

रेट्रो डिजाइनमा प्रस्तुत गरिएको ZX Moto 500F ले क्लासिक शैली मन पराउने ग्राहकलाई लक्षित गरेको छ भने ZX Moto 820RR स्पोर्टी डिजाइन र सुपर स्पोर्ट्स शैली रुचाउने मोटरसाइकलप्रेमीलाई लक्षित गरिएको छ।

एक्स्पो अवधिभर बाइकर्स नेपालको स्टलमा नयाँ मोटरसाइकल अवलोकन गर्ने तथा यसको विशेषताबारे जानकारी लिनेहरूको उल्लेख्य भीड देखिएको थियो।

नाइमा नेपाल मोबिलिटी एक्स्पोमा विभिन्न ब्रान्डका नयाँ मोडल तथा प्रविधि प्रदर्शन भइरहेका बेला बाइकर्स नेपालले दुई फरक सेग्मेन्टका मोटरसाइकल सार्वजनिक गरेको हो।

यससँगै नेपाली बजारमा रेट्रो तथा सुपर स्पोर्ट्स मोटरसाइकलको विकल्प थपिने अपेक्षा गरिएको छ।