काठमाडौं । सानिमा रिलायन्स लाइफ इन्स्योरेन्स कम्पनी लिमिटेडले ‘ब्राभो एन्युअल कन्क्लेभ २०८१’ भव्य रुपमा सम्पन्न भएको छ । सोमबारदेखि पोखराको ग्राण्डी होटलमा सञ्चालन भएको उक्त कार्यक्रममा देशभरीका उत्कृष्ट कर्मचारीहरुको सहभागिता रहेको थियो ।

कार्यक्रममा गत आर्थिक वर्ष २०८०।०८१ मा उत्कृष्ठ कारोबार गरेका शाखा कार्यालयहरुलाई सम्मान गरिएको छ । कार्यक्रममा देशभरीबाट सहभागि भएका कर्मचारीसहित सञ्चालक समितिका अध्यक्ष र उच्च पदस्थ व्यवस्थापकीय तहका कर्मचारीको सहभागिता रहेको थियो ।

कार्यक्रमलाई सम्बोधन गर्दै कम्पनीका प्रमुख कार्यकारी अधिकृत शिवनाथ पाण्डेले उत्कृष्ट शाखा प्रमुखलाई धन्यवाद दिएका छन् । उनले आउँदो दिनमा कम्पनीको व्यवसायलाई वृद्धि गर्न अभिकर्ताहरुको महत्वपूर्ण भुमिका रहेको र उनीहरुलाई आवश्यक सहयोग र हौसला प्रदान गर्न समेत सम्पूर्ण शाखा प्रमुखहरुलाई निर्देशन दिएका छन् ।

कार्यक्रममा देशैभरिका उत्कृष्ट शाखा तथा कर्मचारीलाई सम्मानित गरिएको छ ।

कार्यक्रममा सहभागि भएका कर्मचारीहरुले कम्पनीप्रति सकारात्मक प्रतिक्रिया दिएका छन् । उनीहरुले आउँदो दिनमा अझै सशक्त भएर व्यवसाय गर्ने र कुशलता पूर्वक कार्य सम्पादन गर्ने प्रतिवद्धता जनाएका छन् ।