काठमाडौं, असार ७ – नेपाल एसबिआई बैंक लिमिटेडले सामाजिक उत्तरदायित्व कार्यक्रम अन्तर्गत उदयपुर जिल्लाको चौदण्डीगढी नगरपालिकामा सुरक्षा व्यवस्थाको सुदृढीकरणका लागि सिसीटीभी क्यामेरा हस्तान्तरण गरेको छ।

बैंकका कोशी प्रदेश प्रमुख श्री रबिन घिमिरेले एक औपचारिक कार्यक्रमबीच चौदण्डीगढी नगरपालिकाकी उप–मेयर श्रीमती मनिका देवी दुलाललाई सो सामग्री हस्तान्तरण गरेका थिए। कार्यक्रममा बैंक तथा नगरपालिकाका अन्य उच्च पदाधिकारीहरूको उपस्थिति रहेको थियो।

बैंकले देशभर सामाजिक उत्तरदायित्व अन्तर्गत विभिन्न समुदाय–उन्मुख कार्यक्रम सञ्चालन गर्दै आएको छ। यस पटकको कार्यक्रम नगरपालिकाको सुरक्षालाई प्रविधिमैत्री बनाउने उद्देश्यसहित गरिएको बैंकले जनाएको छ।

नेपाल एसबिआई बैंकले विगत ३१ वर्षदेखि नेपालमा बैकिङ सेवा प्रदान गर्दै आइरहेको छ। हाल देशभर बैंकका १०० शाखा, २२ एक्स्टेन्सन काउन्टर, १९ शाखा रहित बैंकिङ सेवा, ७ प्रादेशिक कार्यालय, १२५ एटिएम तथा १ कर्पोरेट कार्यालय सञ्चालनमा छन्।