काठमाडौं । कामना सेवा विकास बैंक लिमिटेड (KSBBL) ले निष्काशन गरेको ९% अविमोच्य असञ्चिति अग्राधिकार सेयर को बाँडफाँड आज माघ २१, २०८२ गते एनआइएमबि एस क्यापिटल लिमिटेड, लाजिम्पाट, काठमाडौं मा सफलतापूर्वक सम्पन्न भएको छ।

रु. ३५ करोड बराबरको यस सेयरका लागि १.९ गुणा भन्दा बढी आवेदन प्राप्त भएको छ, जसले नेपाली पूँजी बजार र वित्तीय क्षेत्रमा लगानीकर्ताहरूको उच्च विश्वास र आकर्षण दर्शाउँछ।

परिपत्र विधिमार्फत संस्थागत लगानीकर्ताका लागि मिति २०८२/१०/१२ देखि २०८२/१०/१५ सम्म निष्काशन तथा बिक्री खुला गरिएको थियो। अविमोच्य अवधि र वार्षिक ९% ब्याजदर भएको यस अग्राधिकार सेयर विकास बैंकहरूमा पहिलो पटक जारी गरिएको हो।

कामना सेवा विकास बैंक लिमिटेड र निष्काशन तथा बिक्री प्रबन्धकको तर्फबाट कम्पनी रजिष्ट्रारको कार्यालय, नेपाल राष्ट्र बैंक, नेपाल धितोपत्र बोर्ड, नेपाल स्टक एक्सेन्ज लिमिटेड, सीडीएस एण्ड क्लियरिङ्ग लिमिटेड, आवेदनकर्ताहरू, प्रेस तथा सञ्चार जगत, पत्रकारहरू र सम्पूर्ण सरोकारवालाप्रति हार्दिक धन्यवाद व्यक्त गरिएको छ।