काठमाडौँ । सांग्रिला डेभलपमेन्ट बैंक ले नेपाल वहिरा संघसँगको समन्वयमा फरक क्षमता भएका व्यक्तिहरूका लागि वित्तीय साक्षरता कार्यक्रम आयोजना गरेको छ। कार्यक्रममा करिब ४० जना फरक क्षमता भएका व्यक्तिहरूले सहभागिता जनाएका थिए।

कार्यक्रममा प्रशिक्षक विनोद नरसिंह श्रेष्ठ ले आम्दानी, बचत, वित्तीय सुरक्षा, बैंक कारोबार, डिजिटल साक्षरता, स्मार्ट मनि, लगानी, प्रतिफल, जोखिमलगायत विषयमा प्रशिक्षण प्रदान गरे। सांकेतिक भाषामा सहजिकरणको लागि उमा पौडेल र प्रकाश महर्जन सहभागी थिए।

कार्यक्रमको समापनमा राष्ट्रिय वहिरा महासंघ नेपाल का अध्यक्ष सन्तोष केसी ले यो कार्यक्रम धेरै उपयोगी भएको बताउँदै आर्थिक क्षेत्रमा विभिन्न उपयोगी तालिमका लागि बैंक र अन्य वित्तीय संस्थाहरूसँग सहकार्य भइरहेको जानकारी दिनुभयो।

सांग्रिला डेभलपमेन्ट बैंक हाल मुलुकभर १०९ शाखा कार्यालय र ३० वटा एटीएममार्फत सेवा प्रवाह गर्दै आएको छ। संस्थाले उत्कृष्ट संस्थागत सुशासन, जोखिम व्यवस्थापन र आन्तरिक नियन्त्रण प्रणालीको अभ्यास गर्दै आगामी दिनमा सेवा अझ विस्तार गर्ने प्रतिवद्धता व्यक्त गरेको छ।