काठमाडौं। नेपाली मूलका आशिष बिष्टले शैक्षिक क्षेत्रमा अभूतपूर्व सफलता हासिल गर्दै एकैसाथ सात वटा विश्व कीर्तिमान कायम गरेका छन्।

अष्ट्रेलियाको पर्थमा बसोबास गर्दै आएका बिष्टलाई लन्डनस्थित वर्ल्ड बुक अफ रेकर्ड्स ले स्नातकोत्तर तथा व्यावसायिक शैक्षिक उपलब्धिहरूका आधारमा सात विश्व कीर्तिमानसहित आधिकारिक मान्यता प्रदान गरेको हो। यस उपलब्धिसँगै उनी विश्वमै सबैभन्दा बढी शैक्षिक सम्मान प्राप्त व्यक्तिहरूमध्ये एक बनेका छन्।

बिष्टका कीर्तिमानहरू व्यावसायिक दक्षता, बहुविषयगत अध्ययन क्षमता तथा द्रुत गतिमा शैक्षिक योग्यता हासिल गर्ने उपलब्धिहरूसँग सम्बन्धित रहेका छन्।

उनले विश्वकै सबैभन्दा सम्मानित चार्टर्ड एकाउन्टेन्टमध्ये एक हुनुका साथै अत्यधिक शैक्षिक योग्यता हासिल गरेका ज्योतिषविद्को रूपमा समेत मान्यता पाएका छन्।

उनको यो उपलब्धिलाई शैक्षिक क्षेत्रमा प्रेरणादायी तथा ऐतिहासिक सफलता मानिएको छ।