काठमाडौं । Siddhartha Bank Limited का ग्राहकहरूले अब Nepal International Health Services मा उपचार सेवा लिँदा ५० प्रतिशतसम्म छुट पाउने भएका छन्।

बैंक र नेपाल इन्टरनेशनल हेल्थ सर्भिसेजबीच ग्राहकलाई विभिन्न स्वास्थ्य सेवामा विशेष छुट प्रदान गर्ने सम्झौता भएको हो।

सम्झौताअनुसार सिद्धार्थ बैंकका ग्राहकहरूले बैंकको कार्ड वा मोबाइल बैंकिङ प्रयोग गरी भुक्तानी गर्दा अस्पतालका विभिन्न सेवामा ५०% सम्म छुट प्राप्त गर्न सक्नेछन्।

बैंकले यस सहकार्यमार्फत ग्राहकलाई स्वास्थ्य सेवामा सहुलियत उपलब्ध गराउनुका साथै डिजिटल भुक्तानी प्रणाली प्रयोगलाई प्रोत्साहन गर्ने विश्वास लिएको जनाएको छ।

यस सम्बन्धमा थप जानकारीका लागि बैंकको २४ सै घण्टा सञ्चालनमा रहने ग्राहक सेवा केन्द्र “सिद्धार्थ केयर” मार्फत सम्पर्क गर्न सकिनेछ।