काठमाडौंमा नेपाल इटाली उद्योग वाणिज्य संघ (NICCI) ले नवनिर्वाचित सांसद बसुमाया तामाङलाई सम्मान तथा अभिनन्दन गरेको छ।

संघका अध्यक्ष संजय अग्रवालको नेतृत्वमा आयोजित कार्यक्रममा बोर्ड सदस्यहरूको पनि उपस्थिति रहेको थियो। कार्यक्रम सिद्धार्थ वनस्थली इन्स्टिच्युट मा सम्पन्न भएको हो।

NICCI की सदस्यसमेत रहेकी तामाङलाई व्यवसायिक क्षेत्र तथा सामाजिक विकासमा दिएको योगदान, नेतृत्व क्षमता र सक्रिय भूमिकाको कदर गर्दै सम्मान गरिएको आयोजकले जनाएको छ। उनको निर्वाचनलाई सार्वजनिक सेवा तथा समावेशी विकासप्रतिको प्रतिबद्धताको रूपमा व्याख्या गरिएको छ।

कार्यक्रममा NICCI ले तामाङलाई बधाई दिँदै नयाँ जिम्मेवारीमा उनले महत्वपूर्ण योगदान पुर्‍याउने विश्वास व्यक्त गरेको छ।

कार्यक्रम सफल बनाउन योगदान पुर्‍याएकोमा वरिष्ठ उपाध्यक्ष रुपक राजवंशी र कार्यकारी बोर्ड सदस्य सुनिता सिंहप्रति NICCI ले आभार व्यक्त गरेको छ।