७६काठमाडौं,६चैत:एक्सेल डेभलपमेन्ट बैंकको १८% लाभांश सुरक्षित गर्ने आज बिहीबार (चैत ६ गते) अन्तिम दिन हो । बैंकले चैत २० गते हुने साधारण सभाका लागि चैत ७ गतेदेखि २० गतेसम्म बुक क्लोज गर्दैछ । तसर्थ, बिहीबारसम्म सेयर खरिद गर्ने लगानीकर्ताले बैंकले प्रस्ताव गरेको लाभांश पाउनेछन् । बैंकले गत वर्षको १७.१०% बोनस सेयर र कर प्रयोजनका लागि ०.९०% नगद लाभांश वितरण गर्ने प्रस्ताव गरेको छ ।

बैंकले ११ करोड ८४ लाख ४७ हजार २४९ रुपैयाँ बराबरको बोनस वितरण गर्नेछ । यस्तै, ६२ लाख ३४ हजा ६५ रुपैयाँ नगद (कर प्रयोजन) मा खर्च गर्नेछ । सभा, होटल होलिडे होम विर्तामोड, झापामा बिहान ११ बजे सुरु हुनेछ । बोनस वितरणपछि कायम चुक्ता पुँजीबाट ३०% हकप्रद सेयर निष्कासन गर्ने प्रस्ताव पनि छ ।

उक्त प्रस्ताव पारित भएमा कुल २४ करोड ३३ लाख ३६ हजार ३६७ रुपैयाँको हकप्रद सेयर जारी हुनेछ । यता, अन्य उपयुक्त बैंक तथा वित्तीय संस्था गाभ्ने–गाभिने सम्बन्धी आवश्यक कार्य गर्न सञ्चालक समितिलाई अख्तियारी दिने प्रस्ताव पनि अघि सारेको छ ।