प्राइम लाइफ इन्स्योरेन्सले बोनश शेयरधनीहरूको खातामा जम्मा
Monday Sep 21, 2020
वि.सं.२०७७ असोज ५ सोमवार २२:०२
काठमाडौं । आफ्ना शेयरधनीहरूको हितग्राही खातामा प्राइम लाइफ इन्स्योरेन्स कम्पनी लिमिटेडले बोनश शेयर पठाउन थालेको छ ।
कम्पनीको गत असार २९ गते सोमबार सम्पन्न वार्षिक साधारण सभाले पारित गरेको १२ दशमलव ५ प्रतिशत बोनश शेयर शेयरधनीहरूको हितग्राही खातामा जम्मा गरिएको कम्पनीले जनाएको छ ।
शेयर अभौतिकिकरण गराएका शेयरधनीहरुको सम्बन्धित हितग्राही खातामा जम्मा गरिएको कम्पनीले जनाएको छ । कम्पनीको शेयर रजिष्ट्रार नबिल इन्भेष्टमेन्ट बैंकिङ्ग लिमिटेड रहेको छ ।
कम्पनीले हालसम्म आफ्नो शेयर अभौतिकिकरण नगरेका शेयरधनीहरुलाई शिघ्र शेयर अभौतिकिकरण गरी आफ्नो बोनश प्राप्त गर्नका लागि आग्रह गरेको छ ।
