काठमाडौं । कुमारी बैंक लिमिटेडले आइतबार पनि केही सीमित शाखामार्फत् बैकिङ्ग सेवा सुविधा दिने भएको छ ।

सरकारले आइतबार सार्वजनिक विदा घोषणा गरेसँगै यसबाट आफ्ना ग्राहकहरुलाई पर्न सक्ने असुविधालाई मध्यनजर गर्दै बैंकले आइतबार १७ शाखा संचालनमा ल्याउन लागेको हो ।

जसमा प्रदेश नं. १ मा ४ वटा शाखाहरु विराटनगर, इटहरी, उर्लाबारी र विर्तामोड शाखा र मधेश प्रदेशको वीरगंज शाखा बिहान ११ बजेदेखि दिउँसो २ बजेसम्म खुल्ला रहनेछ ।

त्यस्तै, बैंकले बागमति प्रदेश भित्रको उपत्यकाभित्र ४ वटा र उपत्यकाबाहिर २ वटा गरी कुल ६ शाखाहरु संचालन गर्ने भएको छ । जसमा उपत्यकाभित्र पुतलीसडक, न्युरोड (दिउँसो २ बजेदेखि बेलुका ५ बजेसम्म), कुमारीपाटी र भक्तपुर शाखा छन् भने उपत्यकाबाहिर शाखाहरुमा हेटौंडा र नारायणगढ शाखा बिहान ११ बजेदेखि दिउँसो २ बजेसम्म संचालनमा रहेनछन् ।

गण्डकी प्रदेशमा पोखरा र कावासोती शाखा संचालन हुनेछन् भने लुम्बिनी प्रदेशको बुटवल शाखा (राममन्दिर लाइन), कर्णाली प्रदेशको सुर्खेत शाखा, सुदुरपश्चिम प्रदेशको धनगढी शाखा र कञ्चनपुर शाखा बिहान ११ बजेदेखि दिउँसो २ बजेसम्म संचालनमा आउनेछन् ।