काठमाडौँ । एमाले सचेतक सांसद महेश बर्तौलाले मकवानपुर गढीको सामरी खोलामा तटबन्ध निर्माण गर्न माग गरेका छन् ।

बुधवार प्रतिनिधि सभाको शून्य समयमा बर्तौलाले सामरी खोला बढेसँगै सिंगो मकवानपुरगढी गाउँपालिका प्रभावित हुने गरेको भन्दै , बलियो तटबन्धको लागि बजेटको व्यवस्था गर्न सरकारको ध्यानाकर्षण गराए ।

उनले भने ‘मकवानपुर गढीका जनताहरु सामरी खोला बढेसँगै चिन्तित छन् । सामरी खोलाले सिंगो मकवानपुरगढी गाउँपालिका प्रभावित छ । नेपाल सरकारको ध्यानाकर्षण गराउँन चाहन्छु । त्यसको लागि बलियो तटबन्धको आवश्यक छ बजेटको व्यस्था गरियोस् ।’

त्रिवेणी धामदेखि मनहरीको लोथरसम्म राप्ति नदी नियन्त्रणका लागि बृहत गुरुयोजना बनेको र त्यसको लागि विशेष ध्यान दिन उनको आग्रह छ ।