२९ असार, काठमाडौं– प्रधानमन्त्री शेरबहादुर देउवाले मन्त्रिपरिषद् विस्तारको तयारी गरेका छन् । आइतबार मन्त्रिमण्डल विस्तर गर्नेगरी देउवाले तयारी थालेका छन् । प्रधानमन्त्री निकट स्रोतका अनुसार देउवाले आफ्नो पार्टी कांग्रेस, नेकपा माओवादी केन्द्र र विजयकुमार गच्छदार नेतृत्वको लोकतान्त्रिक फोरमबाट मन्त्री बनाउन लागेका हुन् ।

 

स्रोतका अनुसार माओवादीले ८ र कांग्रेसले ११ मन्त्रालय लिने गरी छलफल भइरहेको छ भने विजयकुमार गच्छदारको पार्टीलाई थप दुई मन्त्रालय दिइनेछ । आइतबार मन्त्रिमण्डल विस्तार गर्दा राप्रपासहितका अरु दललाई भने सहभागि नगराइने सम्भावना रहेको बताइएको छ ।

 

राप्रपाले संशोधनमा सघाउने ज्ञारेन्टी नभएकाले तत्काल उसलाई सरकारमा सहभागि गराउन सत्तारुढ दलले अनिच्छा देखाएको बताइएको छ । राप्रपाभित्र संशोधन सफल पार्न नदिने योजना अन्तर्गत एक समूहले लबिङ गर्दै आइरहेको छ ।

 

राप्रपाले विगतमा सरकारमा हुँदा गैरराजनीतिक चरित्र प्रदर्शन गरेको तथा संशोधनमा पनि पूर्ण समर्थन नगर्ने देखिएकाले तत्काल सरकारमा नलिइने एक कांग्रेस नेताले बताए ।