Nabil Bank
Everest Bank Limited
prabhubank

खल्ती र बिग मुभिजले नगदरहित फिल्म टिकेटिङको लागि गरे साझेदारीको घोषणा

मिडिया स्पेस सोलुसन्स प्रालि


काठमाडौं–खल्ती र बिगमुभिजले सजिलो र सुरक्षित रुपले मोबाइलबाटै फिल्म टिकट किन्नमिल्ने सेवाकालागि रणनीतिक साझेदारीको घोषणा गरेका छन् । खल्तीका डाइरेक्टर अमित अग्रवाल र सिने स्टारका सीईओ भरत अग्रवालले उक्त सम्झौतापत्रमा हस्ताक्षर गरेका हुन् । यस सम्झौताअनुसार अब ‘बिग मुभिज डटकम डटएनपीमा गएर फिल्मको टिकट बुकिङ गरेपछी ग्राहकले सजिलै आफ्नो खल्ती आईडी मार्फत उक्त टिकटको पैसा तिर्न सक्नेछन् । यस साझेदारीबाट उत्साहित ‘खल्ती’ का डाइरेक्टर अमित अग्रवालले भने, ‘अब फिल्म हेर्न जानेहरुले नगदबिना नै फिल्म टिकटको पैसा भुक्तानी गर्न सक्नेछन् । यसले फिल्म हेर्न जाने दर्शकलाई टिकटिङ र पेमेन्ट प्रक्रिया झन्झट मुक्त र निकै सहज बनाउने छ । तपाईंले जुनसुकै बेलाजहाँ रहेर पनि आफ्नो लागि वा साथीभाई र परिवारको लागि फिल्म टिकट बुक गर्न र पैसा भुक्तानी गर्न सक्नुहुनेछ । योलगायत अन्य थुप्रै सेवाहरु खल्तीमा पहिले नै उपलब्ध छन् र हामीअरु धेरै सुविधाहरु थप्ने क्रममा छौँ ।’
त्यसै गरी सिनेस्टारका सीईओ भरत अग्रवालले भने, ‘एउटा ‘सेवा उद्योगको हैसियतले हामीले हाम्रा ग्राहकहरुलाई शत प्रतिशत सन्तुष्टी दिने सदैव प्रयास गर्छौं । हाम्रा सेवाहरु झनै स्तरिय बनाउनका लागि हामीले खल्तीसँगको यो सहकार्य सुरुवात गरेका हौँ । अब ग्राहकहरुले अनलाईनबाट सजिलै फिल्म टिकटको पैसा भुक्तानी गरी समय र पैसाको सदुपयोग गर्न सक्नु हुनेछ ।’ छिमेकी देशहरू भारत, चीन र बांग्लादेशको तुलनामा नेपाल मोबाइल भुक्तानीको प्रयोगमा धेरै पछाडी छ । यो साझेदारीबाट नेपालमा केहि मात्रामा भएपनि मोबाइल भुक्तानीको प्रयोग बढ्ने अनुमान गर्न सकिन्छ ।
नेपाल सरकारद्वारा भर्खरै घोषणा गरिएको बजेटमा एक वर्ष भित्रै सबै नेपाली बैंक खाता खोल्ने अभियान सुरु गर्ने र यस साथै घरमा बसी बसी मोवाइलबाटै सरकारलाई राजश्व तिर्न सकिने प्रणालीको सुरुवातगरी सकेको यो अवस्थामा खल्ती र बिगमुभिजले गरेको यो संयुक्त अभियानले धेरै महत्व राख्ने देखिन्छ । र, यो अभियानले अहिलेसम्म मोबाइलबाट भुक्तानी गर्ने बानीको सुरुवात नगरेका व्यक्तिहरुका लागि बानी परिवर्तन गर्न र खल्तीको सजिलो मोबाइल भुक्तानीको मज्जा लिन प्रोत्साहित गर्नेछ । काठमाडौंको कमलपोखरी स्थित सिटी सेन्टरमा रहेको बिग मुभिज दर्शकहरुको रोजाइमा रहेको सुविधा सम्पन्न मल्टिप्लेक्स हल हो । बिग मुभिजमा अहिले कूल ८ सय ७० सिट क्षमताका तीन वटा थिएटर छन् । क्लियर पिक्चर, गुणात्मक साउण्ड सिष्टम, आरामदायी कुर्ची, गुणस्तरका साथै उत्कृष्ट सेवामार्फत रोमाञ्चक अनुभूति दिलाउने बिग मुभिजको विशेषता हो । सन २०१७, जनावरी २६ बाट नेपाली बजारमा आरम्भ भएको खल्ती, एक उदयमान र रुचाइएको पेमेन्ट गेट वे हो । खल्ती एप प्रयोग गरी मोबाइल रिचार्ज, बिजुली र पानीको बिल भुक्तानी, इण्टरनेट तथा डीटीएचको बिल भुक्तानी, फिल्म टिकट, प्लेन टिकट, होटेल रुम बुकिङ तथा अन्य थुप्रै सेवाहरुको मोबाइलबाटै भुक्तानी गर्न सकिन्छ ।

अब पुरानै ढर्राले व्यवसाय चल्न सक्दैन : गभर्नर

अब पुरानै ढर्राले व्यवसाय चल्न सक्दैन :...

वि.सं.२०८१ असार ११ मंगलवार ०७:५१

  काठमाडौँ । नेपाल राष्ट्र बैंकका गभर्नरमा महाप्रसाद अधिकारीले व्यवसायहरू...

सरकारले दक्ष र व्यवसायिक व्यक्तिलाई छिट्टै धितोपत्र बोर्ड अध्यक्ष नियुक्त गर्छ : अर्थमन्त्री

सरकारले दक्ष र व्यवसायिक व्यक्तिलाई छिट्टै धितोपत्र...

वि.सं.२०८१ असार ११ मंगलवार ०७:४६

    काठमाडौँ, १० असार– अर्थमन्त्री वर्षमान पुन अनन्तले दक्ष...

एभरेस्ट इन्टरनेशनल मोडेल युनाइटेड नेशन्स (EIMUN) २०२४ काठमाडौंमा

एभरेस्ट इन्टरनेशनल मोडेल युनाइटेड नेशन्स (EIMUN) २०२४...

वि.सं.२०८१ असार १० सोमवार २०:३३

  २०८१ असार १०, काठमाडौं- एभरेस्ट इन्टरनेशनल मोडेल युनाइटेड नेशन्स...

आर्थिक वृद्धिदर ७ प्रतिशतसम्म पुर्‍याउन सकिन्छ : अर्थसचिव मरासिनी

आर्थिक वृद्धिदर ७ प्रतिशतसम्म पुर्‍याउन सकिन्छ :...

वि.सं.२०८१ असार १० सोमवार ०७:५८

    काठमाडौं । अर्थसचिव मधुकुमार मरासिनीले आर्थिक वृृद्धिदर ७...

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

वि.सं.२०८१ असार ९ आइतवार १५:४७

    काठमाडौं । सरकार तथा बैंक तथा वित्तीय संस्थाका...

जोखिमपूर्ण सम्पत्तिको ट्रेण्ड डरलाग्दो छ तर आत्तिनु हुँदैन : पूर्व बैंकर क्षेत्री

जोखिमपूर्ण सम्पत्तिको ट्रेण्ड डरलाग्दो छ तर आत्तिनु...

वि.सं.२०८१ असार ९ आइतवार १५:३५

    काठमाडौं । पूर्व बैंकर पर्शुराम कुवँर क्षेत्रीले बैंक...