काठमाडौं – युनाईटेड फाईनान्स लिमिटेडको नर्भिक ईन्टरनेशनल अस्पताल भित्र रहेको एटीएम लाउञ्जमा अत्याधुनिक प्रविधि सहित टचस्क्रिन एटीएम मेसिनको शुरुवात गरिएको छ ।

उद्घाटन कम्पनीका संचालक विष्णु कुमार अग्रवालले विधिवत रुपमा गरेका थिए ।

उक्त एटीएमवाट कुनै पनि बैंक तथा वित्तिय संस्थाले जारी गरेका भिसा डुबट कार्ड प्रयोग गरी रकम झिक्न सकिने छ ।

त्यसै गरी फाईनान्स कम्पनीहरुमा पहिलोपल्ट अत्यन्त सुरक्षित मानिएको चिपमा आधारित भिसा डेबिट कार्ड कम्पनीका प्रमुख कार्यकारी अधिकृत सुनन्द बहादुर श्रेष्ठद्धारा विधिवत रुपमा शुभारम्भ गरियो ।

उक्त समारोहमा युनाईटेड फाईनान्सका सञ्चालकहरु तथा उच्च पदाधिकारीहरु लगायत अन्य कर्मचारी र शुभचिन्तकहरुको उपस्थिति थियो ।

यस कम्पनिले विगत दुई दशक देखि निरन्तर रुपमा ग्राहकहरुको चाहना तथा मागलाई मध्येनजर गरी समय सापेक्ष विभिन्न प्रकारका वित्तिय सेवाहरु थप गर्दै ग्राहकहरुको सेवा प्रति सदैव क्रियाशील रहदै आएको जनाएको छ ।

विगत २३ वर्षदेखि संचालित यूनाईटेड फाईनान्स लिमिटेडले हालसम्म कूल निक्षेप रु. ५ अर्ब ६० करोड संकलन गरि सोहि अवधिमा विभिन्न क्षेत्रमा रु. ५ अर्ब २० करोड कर्जा प्रवाह गरेको छ ।

त्यसैगरि यस फाइनान्सको चुक्ता पूँजी रु. ८० करोड ५ लाख रहेको छ ।

यस फाईनान्स कम्पनिको मुख्य कार्यालय दरबार मार्ग, काठमाडौंमा अवस्थित छ ।

मुख्य कार्यालय लगायत कम्पनीले आफ्नो सेवा विराटनगर, बुटवल, नेपालगंज, पोखरा, नारायणघाट, दाङ्ग, वीरगंज, बिर्तामोड, दमक, ईलाम, सुर्खेत र काठमाडौंको न्यूरोड , कालीमाटी र भक्तपुरको गठ्ठाघरबाट समेत प्रदान गरिरहेको छ ।