Nabil Bank
Everest Bank Limited
prabhubank

किसानसँग ३५ रुपैयाँमा किनेको काउली कालिमाटीमा ११० मा बिक्री, बजारमा चार गुणा महँगो तरकारी

मिडिया स्पेस सोलुसन्स प्रालि

कालिमाटी तरकारी बजारमा सोमबार दिनभर तनाव भयो । व्यापारीले चरम कालोबजारी गरेको सूचना पाएपछि मिर्मिरेमै वाणिज्य आपूर्ति तथा उपभोक्ता संरक्षण विभागका अधिकारी बजार अनुगमनमा पुगे । उद्योग, वाणिज्य तथा आपूर्तिमन्त्री मातृका यादवको ठाडो निर्देशनमै अनुमगमन टोली पुगेको थियो ।

तर, विभागका अधिकृत दीपकराज पोखरेल नेतृत्वको उपभोक्ता अधिकारकर्मीको टोलीलाई अनुगमन सहज भएन । बजारका स्टलमा तरकारीको भाउ बुझ्दै हिँड्दासम्म कुनै समस्या थिएन । जब तरकारी बोकेको एउटा ट्रकसँग बिलबिजक मागियो, अनि लफडा सुरु भयो ।

ट्रकले बिलबिजक देखाएन । अनुगमन टोलीले ट्रकमा भएको फर्सी र काँक्रा बेच्न रोकिदियो । एकैछिनमा व्यवसायी अनुगमन टोलीविरुद्ध उर्लिए । उनीहरूले अनुगमन सदस्यलाई कालिमाटीमै थुन्नेसम्मको प्रयास गरे । प्रहरीले टोलीलाई थुनिनबाट जोगायो, दुई व्यवसायीलाई पक्राउ ग(यो ।

यति लफडा हुँदासम्म बिहानको १० बजिसकेको थियो । साढे १० बजेतिर मन्त्री मातृका यादव, मन्त्रालयका सचिवलगायतको टोली पनि पुग्यो । अनुगमनलाई निरन्तरता दिए ।

किसानका खेतदेखि कालिमाटी बजारसम्म अनुगमन
अनुगमन समितिले कालिमाटीमा तरकारी ल्याइने मुख्य जिल्लाका किसानको खेतमै पुगेर अनुगमन गरेको थियो । धादिङ, मकवानपुर, ललितपुरलगायत जिल्लाका किसानले खेतबाट बेच्ने तरकारीको मूल्य र कालिमाटी बजारमा उही तरकारीको मूल्यमा व्यापक अन्तर भेटिएको छ ।

‘कृषकको खेतबाट १८ रुपैयाँदेखि ३५ रुपैयाँसम्ममा काउली बेचिएको पाइयो,’ वाणिज्य, आपूर्ति तथा उपभोक्ता संरक्षण विभागका अधिकृत दीपकराज पोखरेलले भने, ‘त्यही तरकारी कालिमाटी बजारमा आइपुगेपछि १ सय १० रुपैयाँ प्रतिकिलोसम्म बेचिएको पाइएको छ ।’

किसानको खेतदेखि तरकारी बजारसम्म आइपुग्दा तरकारीको मूल्य चारगुणासम्म बढेको पाइएको अनुगमन टोलीमा सहभागी उपभोक्ता अनुसन्धान मञ्चका अध्यक्ष माधव तिमल्सिनाले बताए । ‘तरकारी व्यापारका बिचौलियाको धेरैवटा तह पाइएको छ,’ उनले भने, ‘यसले गर्दा तरकारी उत्पादक किसान र उपभोक्ता दुवै ठगिने तथा बिचौलियाले मात्र अनुचित लाभ कमाउने अवस्था देखिएको छ ।’

विगत डेढ दशकदेखि कालिमाटीलगायत तरकारी बजारको अनुगमन गर्ने गरिएको छ । अनुगमनका क्रममा अनेक बेथिति देखिने पनि गरेका छन् । तर, तरकारी उत्पादक किसान र उपभोक्ता ठगिने अवस्थाको अन्त्य अझै हुन सकेको छैन ।

सरकारी टोलीको अनुगमनमा १२ घन्टा

वाणिज्य, आपूर्ति तथा उपभोक्ता संरक्षण विभागका अधिकृत दीपकराज पोखरेलको नेतृत्वमा उपभोक्ता अधिकारकर्मीसहितको टोली कालिमाटी तरकारी बजार प्रवेश । २ घन्टा होलसेल बजारका स्टलमा तरकारीको मूल्य र गुणस्तरको अनुगमन ।

फर्सी र काँक्रो अनलोड गर्दै गरेका दुई ट्रकका तरकारी व्यवसायीसँग बिलबिजक माग । बिलबिजक फेला नपरेपछि उक्त ट्रकमा ल्याइएको फर्सी र काँक्रा बेच्न रोक । ट्रक प्रहरीको जिम्मा । तरकारी बेच्न रोकिएपछि दुई घन्टा व्यवसायी विरोधमा ।

बसेरै छलफल गरौँ भन्दै तरकारी व्यवसायी संघका अध्यक्ष तथा पदाधिकारीद्वारा बजार विकास समितिको कार्यकक्षभित्र अनुगमन टोलीलाई बोलावट । सामान्य छलफल । समिति पदाधिकारीद्वारा अनुगमन टोलीलगायत उपस्थितलाई चियापान ।

समितिका कार्यकारी निर्देशक तेजेन्द्रप्रसाद पौडेलको उपस्थिति । समितिको सोही भवनको माथिल्लो तलामा रहेको आफ्नो कार्यकक्षमा बसेर छलफल गर्न बोलावट । अनुगमन टोली पदाधिकारी समितिको कार्यालयमा । व्यवसायी जम्मा भएर समितिको भवनभित्र रहेका अनुगमन टोलीलाई घेराबन्दी गर्दै प्रवेशद्वार बन्द ।

प्रहरीले समिति भवनको प्रवेशद्वार खोल्यो । प्रहरीकै सुरक्षा घेरामा अनुगमन टोली समितिको भवनबाट बाहिरियो । प्रहरीले सुरक्षा बढायो । तरकारी व्यवसायी संघका अध्यक्ष भरत खतिवडा र व्यवसायी उज्ज्वल ढुंगाना पक्राउ ।

उद्योग, वाणिज्य तथा आपूर्तिमन्त्री मातृका यादव, मन्त्रालयका सचिवलगायतको टोली कालिमाटी तरकारी बजार अनुगमनमा । अनुगमन टोली र समितिका पदाधिकारीसँग छलफल । बजार अवलोकन । समितिका पदाधिकारी नै व्यापारीसँग मिलेर उपभोक्तालाई मारमा पारेको भन्दै आक्रोश । ठगी रोक्न नसकेको भन्दै तरकारी बजार विकास समितिका कार्यकारी निर्देशक तेजेन्द्रप्रसाद पौडेललगायत समितिका पदाधिकारीसँग आक्रोशित हुँदै ठगी नियन्त्रणमा लाग्न निर्देशन । बिलबिजकविनाका तरकारी बजारभित्र छिर्नै नदिन निर्देशन ।

नियमित अनुगमनको निर्देशन समिति, मन्त्री यादवसहित मन्त्रालयको टोली मन्त्रालय फिर्ता । अनुगमन टोली वाणिज्य, आपूर्ति तथा उपभोक्ता संरक्षण विभाग बबरमहल फिर्ता । विभागमा छलफल । बिहानको अनुगमनमा पाइएका विषय र आगामी कदमबारे मन्त्रालयका सहसचिव नवराज ढकाल, वाणिज्य विभागका महानिर्देशक योगेन्द्र गौचनलगायतबीच चार घन्टा छलफल ।
अनुगमनलाई नियमित गर्ने सहमतिसहित छलफलको टुंगो ।

अब पुरानै ढर्राले व्यवसाय चल्न सक्दैन : गभर्नर

अब पुरानै ढर्राले व्यवसाय चल्न सक्दैन :...

वि.सं.२०८१ असार ११ मंगलवार ०७:५१

  काठमाडौँ । नेपाल राष्ट्र बैंकका गभर्नरमा महाप्रसाद अधिकारीले व्यवसायहरू...

सरकारले दक्ष र व्यवसायिक व्यक्तिलाई छिट्टै धितोपत्र बोर्ड अध्यक्ष नियुक्त गर्छ : अर्थमन्त्री

सरकारले दक्ष र व्यवसायिक व्यक्तिलाई छिट्टै धितोपत्र...

वि.सं.२०८१ असार ११ मंगलवार ०७:४६

    काठमाडौँ, १० असार– अर्थमन्त्री वर्षमान पुन अनन्तले दक्ष...

एभरेस्ट इन्टरनेशनल मोडेल युनाइटेड नेशन्स (EIMUN) २०२४ काठमाडौंमा

एभरेस्ट इन्टरनेशनल मोडेल युनाइटेड नेशन्स (EIMUN) २०२४...

वि.सं.२०८१ असार १० सोमवार २०:३३

  २०८१ असार १०, काठमाडौं- एभरेस्ट इन्टरनेशनल मोडेल युनाइटेड नेशन्स...

आर्थिक वृद्धिदर ७ प्रतिशतसम्म पुर्‍याउन सकिन्छ : अर्थसचिव मरासिनी

आर्थिक वृद्धिदर ७ प्रतिशतसम्म पुर्‍याउन सकिन्छ :...

वि.सं.२०८१ असार १० सोमवार ०७:५८

    काठमाडौं । अर्थसचिव मधुकुमार मरासिनीले आर्थिक वृृद्धिदर ७...

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

वि.सं.२०८१ असार ९ आइतवार १५:४७

    काठमाडौं । सरकार तथा बैंक तथा वित्तीय संस्थाका...

जोखिमपूर्ण सम्पत्तिको ट्रेण्ड डरलाग्दो छ तर आत्तिनु हुँदैन : पूर्व बैंकर क्षेत्री

जोखिमपूर्ण सम्पत्तिको ट्रेण्ड डरलाग्दो छ तर आत्तिनु...

वि.सं.२०८१ असार ९ आइतवार १५:३५

    काठमाडौं । पूर्व बैंकर पर्शुराम कुवँर क्षेत्रीले बैंक...