NATIONAL LIFE INSURANCE COMPANY LIMITED
Nabil Bank
Everest Bank Limited

वामदेव पनि माधव गुटमा, गए चियापानमा, भने हाम्रा नेता माधव नेपाल

मिडिया स्पेस सोलुसन्स प्रालि

नेकपाका वरिष्ठ नेता माधवकुमार नेपालले शुक्रबार नयाँ बानेश्वरस्थित इन्द्रेणी फुडल्याण्डमा आयोजना गरेको स्थायी कमिटीका सदस्यको भेलामा अर्का शीर्षनेता वामदेव गौतम पनि सहभागी भए ।

भेलामा नारायणकाजी श्रेष्ठ र सुवास नेम्वाङसमेत सहभागी थिए । तर, नेता गौतमले चाहिँ दुई/चार शब्द बोलेरै माधव नेपाललाई साथ दिए ।

 

नेता नेपालको अगुवाइमा भएको भेलालाई ‘चियापान कार्यक्रम’ को नाम दिइएको छे। एक सहभागी नेताका अनुसार भेलामा कसैको पनि लामो भाषण-भुषण भएन, माधव नेपाल र वामदेव गौतमले आफ्ना कुराहरु राखेपछि चियापान र अनौपचारिक गफगाफ भयो ।

 

भाषण गर्ने कार्यक्रम नभएकाले नेताहरु सहभागी हुने र्फकने क्रम लामै समय चलेको सहभागीले बताए । सबै नेताहरु एकसाथ उपस्थित हुने भन्दा पनि कार्यक्रममा सहभागी भएर र्फकने र आउने नेताहरुको क्रम अघिपछिसम्म चलेको थियो ।

 

माधव नेपालको असहमति दर्ज

 

भेलामा पूर्वप्रधानमन्त्री मााधवकुमार नेपालले सरकार र पार्टीले राम्रो ढंगले काम गर्न नसकेको भन्दै यसको समीक्षा गर्न जरुरी रहेको बताए ।

आफू विदेश जानेबेलामा पार्टी अध्यक्ष केपी ओलीसँग कुरा गरेको र स्वदेश नफर्किकन प्रदेश कमिटी गठन नगर्ने वचन दिएको नेता नेपालले स्थायी कमिटीका नेताहरुलाई बताए ।

 

माधव नेपाललाई उधृत गर्दै स्रोतले  भने- ‘अध्यक्षले तपाई स्वदेश नफर्की निर्णय गर्दिनँ भन्नुभएको थियो, तर म नभएका बेला सचिवालयको बैठक बोलाउनुभएछ, सचिवालयको यो निर्णय मलाई मान्न नभएकाले आजै औपचारिकरुपमा असहमति दर्ज गरेको छु ।’

 

वरिष्ठ नेता नेपालले तत्काल स्थायी कमिटीको बैठक बोलाउन पार्टी नेतृत्वसँग मागसमेत गरेका छन् । ‘मैले स्थायी कमिटीको बैठक बोलाउन माग गरेको छु, यहाँ धेरै कुराहरु नभनौं’ भन्दै नेता नेपालले स्थायी कमिटीका सदस्यहरुलाई चियापानमा सहभागी हुन आग्रह गरे ।

 

माधव नेपाल र नारायणकाजी श्रेष्ठ विदेवमा भएका बेला गत साता नेकपा सचिवालयको बैठक बसेको थियो । सो बैठकले सातवटै प्रदेशका इञ्चार्ज, सहइञ्चार्ज, अध्यक्ष र सचिवहरु मनोनयन गरेको थियो ।

 

नेता नेपालले प्रदेश कमिटी बनाउने निर्णय स्थायी कमिटीको बैठकबाट हुनुपर्ने भन्दै सचिवालयको निर्णय आफूलाई मान्य नहुने बताएका छन् ।

वामदेवले भने- ओली र प्रचण्ड नहुँदा माधवजी नै नेता !

माधव नेपालले बोलाएको भेलामा सहभागी बनेका नेता वामदेव गौतमले केपी ओली र प्रचण्डको अनुपस्थितिमा माधव नेपाल नै सबैभन्दा शीर्ष रहेको बताए ।

‘अरुले बोलाएको भए म यहाँ आउने थिइनँ, माधवजीले बोलाएको हुनाले म आएको हुँ,’ भेलामा नेता गौतमले माधव नेपाललाई भने,’ दुबै अध्यक्ष कामरेडहरु नभएका बेला केही पर्‍यो भने नेतृत्व गर्ने तपाई नै हो, तपाईले बोलाएको हुनाले म आएँ, बोलाएर राम्रै गर्नुभयो ।’

माधव नेपालले बोलाएको भेलालाई ठीक भयो भन्दै समर्थन गरेका गौतमले प्रदेशका इञ्चार्ज र अध्यक्षहरु तोक्ने सचिवालयको बैठकको भने बचाऊ गरेको स्रोतजले अनलाइनखबरलाई बतायो ।

आफूसमेत सहभागी भएर गरिएको सचिवालयको निर्णयको हल्का बचाऊ गर्दै नेता गौतमले भने,’ त्यो सचिवालयबाट निर्णय नै नहुनु भन्दा निर्णय भएको राम्रै हो ।’

बबिना भट्टराईको स्वरमा ‘एउटा सानो घर’ सार्वजनिक ( भिडियो सहित )

बबिना भट्टराईको स्वरमा ‘एउटा सानो घर’ सार्वजनिक...

वि.सं.२०८१ असार ३० आइतवार ००:२५

काठमाडौ। माया, प्रेममा ठुला ठुला आशा राखिन्न, मनको माया नै...

पत्रकार अधिकारीलाई राष्ट्रिय पत्रकारिता पुरस्कार एवं सम्मान

पत्रकार अधिकारीलाई राष्ट्रिय पत्रकारिता पुरस्कार एवं सम्मान

वि.सं.२०८१ असार ३० आइतवार ००:१७

  काठमाडौं । ‘विराट म्युजिक एण्ड फिल्म अवार्ड’ को दोस्रो...

सिमलताल पहिरो : दुई जनाको शव भेटियो, बेपत्ताको खोजीकार्य जारी

सिमलताल पहिरो : दुई जनाको शव भेटियो,...

वि.सं.२०८१ असार २९ शनिवार २२:३३

  काठमाडौं । चितवनको भरतपुर महानगरपालिका–२९ स्थित सिमलतालमा पहिरोमा परी...

प्रधानमन्त्री पुष्पकमल दाहाल प्रचण्ड पदमुक्त

प्रधानमन्त्री पुष्पकमल दाहाल प्रचण्ड पदमुक्त

वि.सं.२०८१ असार २८ शुक्रवार २२:४३

  काठमाडौं । प्रधानमन्त्री पुष्पकमल दाहाल प्रचण्ड पदमुक्त भएका छन्...

निर्माण व्यवसायीहरूको अरबौं रकम असार मसान्तमा समेत राज्यले दिएन

निर्माण व्यवसायीहरूको अरबौं रकम असार मसान्तमा समेत...

वि.सं.२०८१ असार २८ शुक्रवार २२:०८

  काठमाडौँ । नेपाल निर्माण ब्यवसायी महासंघले राज्यले असार मसान्तमा...

खेलकुदमा पछिल्लो समय क्रिकेटको सफलता

खेलकुदमा पछिल्लो समय क्रिकेटको सफलता

वि.सं.२०८१ असार २८ शुक्रवार १५:४०

  काठमाडौँ । नेपाली खेलकुदमा पछिल्लो समय क्रिकेटको सफलताको बारेमा...