काठमाडौं । जल तथा मौसम विज्ञान विभागले बिहीबार विहानसम्म भारी वर्षा हुन सक्ने भन्दै सतर्क रहन सर्वसाधारणलाई आग्रह गरेको छ। प्रदेश १,२,३ र ५ मा भारी वर्षा भइरहेको र प्रदेश ४ का केही स्थानमा पनि वर्षा भइरहेको विभागले जनाएको छ।

प्रदेश ४ का सबै भुभाग तथा प्रदेश २,३ र ५ का केही भुभागमा मध्यमदेखि भारी वर्षा हुन सक्ने विभागको अनुमान छ। यी क्षेत्रका पहाडी भुभागमा पहिरो जान सक्ने, नारायणी लगायतका नदीमा पानीको बहाब उच्च हुने र तराईका साना नदीहरुमा आकस्मिक बहाब हुने जनाइएको छ।