सरकारले वैदेशिक ऋण तथा सहयोगमा निर्माणाधीन चार आयोजनामा १० अर्ब बढीको निर्माण सामग्रीमा सम्पूर्ण कर छुट
Tuesday Aug 18, 2020
वि.सं.२०७७ भदौ २ मंगलवार २०:१४
काठमाडौं – सरकारले वैदेशिक ऋण तथा सहयोगमा निर्माणाधीन चार आयोजनामा १० अर्ब बढीको निर्माण सामग्रीमा सम्पूर्ण कर छुट दिएको छ ।
गत असारमा वैदेशिक ऋण तथा सहयोगमा निर्माणाधीन चार आयोजनाका लागि मन्त्रालयले उक्त करछुट दिएको हो ।
मन्त्रालयले पोखरा अन्तर्राष्ट्रिय विमानस्थलमा प्रयोग हुने ७ अर्ब १७ करोडका निर्माण सामग्रीमा करछुट दिएको छ ।
द एक्सपोर्ट–इम्पोर्ट बैंक चीनको ऋण सहयोगमा पोखरामा क्षेत्रीय अन्तर्राष्ट्रिय विमानस्थलको निर्माण गरिरहेको चाइना सीएएमसी इन्जिनियरिङले पैठारी गर्ने ६ करोड ९९ हजार अमेरिकी डलरबराबरको निर्माण सामग्रीमा सम्पूर्ण कर तथा महसुल छुट दिने निर्णय गरेको हो।
त्यस्तै, १४० मेगावाटको तनहुँ हाइड्रो पावरका लागि अर्थ मन्त्रालयले २ अर्ब २० करोडबराबरको निर्माण सामग्रीमा सम्पूर्ण भन्सार महशुल तथा मूल्य अभिवृद्धिकर छुट दिने निर्णय गरेको छ ।
उक्त आयोजना नेपाल सरकार, एसियाली विकास बैंक, जापान सरकार र युरोपियन इन्भेष्टमेन्ट बैंकको ऋण सहयोगमा बनिरहेको छ ।
