मुख्य खबर

कुमारी बैंकले यस वर्ष शेयरधनीहरुलाई कुल १४ प्रतिशत लाभांश दिने

  • आर्थिक प्लस संवाददाता

    २०७७ कार्तिक ६ गते, बिहीबार २२:४९ मा प्रकाशित

काठमाडौं । कुमारी बैंकले यस वर्ष शेयरधनीहरुलाई कुल १४ प्रतिशत लाभांश दिने भएको छ । बैंकको कात्तिक ५ गतेको सञ्चालक समितिको बैठकले गत आर्थिक वर्ष २०७६र७७ को लागि १० प्रतिशत बोनस शेयर र ४ प्रतिशत नगद लाभांश दिने प्रस्ताव गरेको हो । यो लाभांश नेपाल राष्ट्र बैंकको स्वीकृति पश्चात आगामी साधारण सभाले पारित गरे पश्चात मात्र वितरण योग्य हुनेछ ।

कुमारी बैंकले देवः विकास बैंकलाई प्राप्ती गरी असार २८ गतेदेखि एकिकृत कारोबार सुरु गरेको हो । प्राप्ती प्रकृया पुरा गरेको यस बैंकले यस वर्ष बोनस शेयरमा लाग्ने कर वापतको रकममा छुट पाउनेछ । यसर्थ कुमारी बैंकले शेयरधनीहरुले १४ प्रतिशतनै लाभांश हात पार्नेछन् ।

हाल बैंकको चुक्तापूँजी रू। १२ अर्ब ५२ करोड ४९ हजार रहेको छ । गत असार मसान्तसम्म बैंकले रू। १ अर्ब २२ करोड ६५ लाख ५९ हजार खुद नाफा गरेको छ ।

सो अवधिसम्म बैंकको वितरणयोग्य नाफा रू। ७१ करोड २८ लाख ८३ हजार थियो । गत वर्ष भन्दा यो वर्ष कुमारी बैंकको लाभांशमा भने बृद्धि भएको छ । गत वर्ष यस बैंकले १० प्रतिशत बोनस शेयर र शून्य दशमलव ५३ प्रतिशत नगद लाभांश दिएको थियो ।