काठमाडौं । सेयर बजारमा उच्च अंकको कमब्याक भएको छ । गत बुधबारदेखि निरन्तर ओरालो लागेको बजार आज लयमा फर्किएको हो ।

५ दिनमै करिब १९० अंकको पहिरो गएको बजारमा आज दोहोरो अंकको सुधार देखिएको हो । गत मंगलबार नेपाल धितोपत्र बोर्डले नामै तोकेर जोखिमपूर्ण ५१ कम्पनीको सूची सार्वजनिक गरेसँगै त्यसको प्रभाव स्वरुप बजारमा दैनिक भारी गिरावट आएको थियो ।

सूचकमा ठूलो अंकको सुधार आए पनि कारोबार रकम भने घटेको छ । यससाता दैनिक साढे ११ अर्बको कारोबार हुँदै आएकोमा आज घटेर सवा १० अर्बमा सीमित भएको छ ।

आज सेयर बजार मापक सूचक नेप्से ७९.४३ अंकले बढेर २९१३.८४ विन्दुमा पुगेको छ । नेपाल स्टक एक्सचेन्जका अनुसार आज २२५ कम्पनीको १० अर्ब २८ करोड ६२ लाख ६९ हजार ९५७ रुपैयाँ बराबरको १ करोड ९७ लाख ७० हजार ६३८ कित्ता सेयर किनबेच भएका छन् ।

आज कारोबारमा आएका १३ वटै समूहको परिसूचकमा हरियाली छाएको छ । विकास बैंक, फाइनान्स र हाइड्रोपावर समूह सबैभन्दा धेरै साढे ५ प्रतिशतभन्दा धेरैले बढेका छन् ।

आज कारोबारमा आएका २२५ कम्पनीमध्ये २०१ कम्पनीको सेयर मूल्य बढेको छ भने १५ कम्पनीको मूल्यमा गिरावट आएको छ । ९ कम्पनीको मूल्य स्थिर रहेको छ ।

आज नेपाल पुनर्बीमा कम्पनीको सर्वाधिक कारोबार भएको छ । यसको १ अर्ब ४९ करोड रुपैयाँ बढीको कारोबार भएको छ । कारोबार रकमकै आधारमा एचआइडीसीएल ३१ करोड र नागरिक लगानी कोष २९ कारोबार सहित शीर्ष तीन स्थानमा रहे ।

उच्च अंकले बढेको बजारमा आज डेढ दर्जन कम्पनीको सेयर मूलयमा पोजेटिभ ससर्किट लागेको छ । जानकी फाइनान्स, वरुण हाइड्रोपावर, एचआइडीसीएल, ङादी ग्रुप र पञ्चकन्यामाइ हाइड्रोपावरको सेयर मूल्य ठ्याक्कै १० प्रतिशतले बढेको छ ।

यसैगरी, राधी विद्युत्, जोशी, कालिका पावर, घलेम्दी, युनियन, खानीखोला, हिमालयन पावर, दिव्यश्वरी हाइड्रोपावर, लिबर्टी इनर्जी, गुह्येश्वरी मर्चेन्टका सेयरधनीले करिब १० प्रतिशतले कमाएका छन् ।

यस्तै, आज युनिभर्सल पावर कम्पनीका लगानीकर्ताले ९ प्रतिशत गुमाएका छन् भने युनियन, हिमाल दोलखा हाइड्रो पावर, लिबर्टी इनर्जी, गुह्येश्वरी मर्चेन्ट, प्रोग्रेसिभ फाइनान्स, पञ्चकन्या माइको सेयर मूल्य ८ प्रतिशतभन्दा धेरैले घटेको छ । यस्तै, घलेम्दी र जोशी हाइड्रोपावरका सेयरधनीले ७ प्रतिशतभन्दा धेरै गुमाएका छन् ।

घट्दो बजारमा आज नारायणी विकास बैंकको सेयर मूल्यमा पोजेटिभ सर्किट लागेको छ । यसका सेयरधनीले करिब १० प्रतिशत कमाएका छन् ।