बैंकिङ प्रणालीम चरम तरलता अभाव भएपछि नेपाल राष्ट्र बैंकले २० अर्ब रुपैयाँ बैंकहरुलाई उपलब्ध गराउने छ। राष्ट्र बैंकले बिहीबार १४ दिनको लागि २० अर्ब रुपैयाँको रिपो जारी गर्ने भएको हो।

राष्ट्र बैंकलेगत २३ गते रिपोमार्फत ३० अर्ब रुपैयाँ उपलब्ध गराएको थियो। त्यसअघि पनि २० अर्ब रुपैयाँ उपलब्ध गराएको थियो।

तरलता अभावसँग जुधिरहेका बैंक तथा वित्तीय संस्थाले ५ प्रतिशत ब्याजको स्थायी तरलता सुविधा (एसएलएफ) दैनिक प्रयोग गरिरहेका छन्। बुधबार मात्रै १३ अर्ब ९ करोड प्रयोग गरेका छन्। यसबाहेक ओभर नाइट रिपो ७४ करवड २२ लाख रुपैयाँ प्रयोग गरेका थिए।

चालु बर्ष एसएलएफ ३ खर्ब ४४ अर्ब ४० करोड रुपैयाँ उठाइसकेका छन्। ओभर नाइट रिपो पनि १८ अर्ब ९४ करोड १८ लाख रुपैयाँ उठाइसकेका छन्। तरलता अभावकै कारण असोज १ गतेबाट बैंकहरुले निक्षेपको ब्याज बढाउँदैछन्। यससँगै नयाँ ऋणको ब्याज पनि बढ्ने छ।