शनिबारलाई भाइ मसला किन्न भीड
Sunday Nov 07, 2021
वि.सं.२०७८ कात्तिक २१ आइतवार ११:०९
शनिबार भाइ टिका परेको हुनाले शुक्रबार पनि बजारमा भीड भएको छ । भाइ टिकाको भाइ मसला दिने गर्दछन् ।
भाइ मसलामा नरिवल, मिश्री, काजु, किसमिस, ओखर, देशी बदाम, सुकुमेल, पेस्ता, ल्वाङ, मख्खना, छोकडा, सुपारी, मरिच लगायत राख्ने गरिन्छ । यी मसलाहरु किनमेल गर्ने शुक्रबार अन्तिम दिन भएकाले पसलमा भीड बढेको ब्यापारीहरुको भनाइ छ ।
साथै, तिहार केन्द्रित मात्रै मसला पसल सञ्चालन गरेर सडक पेटीहरुबाट पनि धमाधम भाइ मसला विक्री भइरहेको छ । काठमाडौंको न्यूरोड, असन लगायतका सडक पेटीहरुमा भाइ मसला किन्नेको भीड लागेको देख्न सकिन्छ । समग्रमा विगत दुई दिन यता भाइ मसला किन्नेहरुको भीड बढेपनि असनमा भने अघिल्लो वर्षको तुलनामा व्यापार कम नै भएको मसला व्यापारी सजिव बज्राचार्य बताउँछन् । भाइ मसला प्रायः विदेशबाट आउने र नेपाली उत्पादन कम नै हुने उनी बताउँछन् । भाइ मसला पनि विभिन्न गुणस्तरको आउने उल्लेख गर्दै उनले स्वस्थ मसला किन्न सुझाव पनि दिए ।
