काठमाडौं । अबदेखि बैंक, बीमादेखि सार्वजनिक निकायमा विज्ञ हुनका लागि कम्तिमा स्नातक तह उत्र्तीण हुनुका साथैमा दश बर्ष सोही क्षेत्रमा अनुभव भएको हुनुपर्ने छ । सर्वोच्च अदालतले मंगलबार यस्तो फैसला सुनाएको हो ।

जतिखेर उद्योगमन्त्री लेखराज भट्ट थिए उनकै समयमा नेपाल आयल निगमको विज्ञ सञ्चालकका रुपमा नियुक्त भए सहदेब भट्ट । भट्टको शैक्षिक योग्यता एसएलसीभन्दा माथि नभएको भन्दै उपभोक्ता हित संरक्षण विभागले सर्वोच्चमा बर्ष दिन अघि दायर गरेको रिटमा सर्वोच्च अदालतका न्यायाधीशद्धय ईश्वरप्रसाद खतिवडा र नहकुल सुवेदीको संयुक्त इजलासले यस्तो फैसला सुनाएको हो ।

सर्वौच्चको फैसलामा बोगटीको मनोनयन अनुचित, अतार्किक, सुशासनको मर्म विपरित र स्वेच्छाचारीपूर्ण देखिँदा उनको मनोनयन गर्ने सम्बन्धमा भएका निर्णय, काम कारवाही पत्राचार समेत उत्प्रेषणको आदेशले बदर गर्दै सर्वोच्चले अब आइन्दा सरकारले मनोनयन गर्ने पदमा नियुक्ति हुनका लागि कम्तिमा सम्बन्धित क्षेत्रमा कम्तिमा १० बर्षको अनुभव र स्नातक तह उत्र्तीण गरेको हुनुपर्ने कानुन बनाउन सरकारका नाममा आदेश दिएको छ ।