काठमाडौँ । नमस्ते पेले आफ्नो एपमा लट्री कार्यक्रम ल्याएको छ । यो सुरुवातसँगै नमस्ते पेले प्रयोगकर्तालाई नमस्ते पेका विभिन्न सेवा प्रयोग गर्न थप उत्प्रेरित गराउनेछ।

नमस्ते पेकाे लट्री पाेइन्टस् प्रणाली कुनै प्रयोगकर्ताले नमस्ते पे एप प्रयोग गर्दा खर्च गर्ने रकममा आधारित छ । प्रत्येक प्रयोगकर्ताले हरेक १०० काे खर्चमा २ एनपी काेइन्स/पाेइन्टस् पाउनेछन् । प्रत्येक ८ एनपी काेइन्स/पाेइन्टसकाे मूल्य १ रूपैयाँ हुने छन् ।

सेवाहरूको प्रयोग गरेको अनुपातमा, प्रयोगकर्ताहरूले एनपी पाेइन्टस् सङ्कलन गर्न सक्नेछन्, र नमस्ते पेमा उपलब्ध लट्री पाेइन्ट्समा आकर्षक प्रस्तावहरू समावेश छन् । जस्तै, एनपी काेइन्स प्रयोग गरी विभिन्न भ्वाइस/डेटा प्याकहरू र टप-अप रिडिम गर्नसक्ने, विभिन्न कुपन/अनलाइन शपिङ भाउचरहरू जित्ने मौका, विशेष अवसरहरूमा प्रयोगकर्ताहरूले एनपी पोइन्टहरूलाई नमस्ते पैसा वालेट ब्यालेन्सको रूपमा रूपान्तरण गर्न सक्ने, एयरलाइन्स टिकटहरू/होटलहरू/ट्रिपहरू र थप डिजाइन गरिएका अभियानहरूमा समेत प्रयोगकर्ताहरूले एनपी पैसा एनपी पाेइन्ट्स रिडिम गर्ने मौका पाउनेछन् ।

नमस्ते पे नगदरहित समाज सिर्जना गर्ने प्रयासमा उल्लेख्य भूमिका खेल्ने ध्येयले शुरु गरिएको डिजिटल भुक्तानी सेवा हो । आधुनिक प्रविधिको प्रयोग मार्फत सरल र सुरक्षित डिजिटल भुक्तानी सेवा प्रदान गरी बैंक र डिजिटल प्रविधिमा पहुँच भएका तथा नभएका सबै उपभोक्तालाई आधुनिक वित्तीय सेवा प्रदान गर्नु यस वालेट सेवाको उद्देश्य रहेको छ । थप जानकारीका लागि www.namastepay.com मा हेर्न सकिने छ ।