काठमाडौं। रिलायबल नेपाल लाइफ इन्स्योरेन्स लिमिटेडले पूर्ण अशक्तता सुविधाअन्तर्गत एक बीमितलाई ५० लाख रुपैयाँ दाबी भुक्तानी गरेको छ।

कम्पनीका अनुसार बीमित हरिप्रसाद काफ्लेले विसं २०७६ मा काठमाडौं शाखामार्फत ‘रिलायबल सुलभ जीवन बीमा योजना’अन्तर्गत २० वर्षे अवधिका लागि एक करोड रुपैयाँ बीमाङ्कको जीवन बीमा गर्नुभएको थियो। उक्त बीमा योजनासँगै उहाँले पूर्ण अशक्तता सुविधाअन्तर्गत ५० लाख रुपैयाँ बराबरको अतिरिक्त सुरक्षा सुविधा पनि लिनुभएको थियो।

केही समयअघि काफ्लेलाई पार्किन्सन रोग देखिएको र उहाँको अवस्था पूर्ण अशक्तता सुविधा प्राप्त गर्ने मापदण्डअनुरूप रहेको पुष्टि भएपछि कम्पनीले बीमा सम्झौताअनुसार ५० लाख रुपैयाँ दाबी रकम भुक्तानी गरेको जनाएको छ।

कम्पनीका अनुसार उक्त दाबी भुक्तानीसँगै बीमितले ५० लाख रुपैयाँ बराबरको बीमा शुल्क छुट सुविधा पनि प्राप्त गर्नुभएको छ।

रिलायबल नेपाल लाइफ इन्स्योरेन्सले छिटो, पारदर्शी र विश्वासयोग्य दाबी भुक्तानी सेवामार्फत बीमितप्रतिको दायित्व निर्वाह गर्दै आएको जनाएको छ। कठिन परिस्थितिमा ग्राहक तथा उनीहरूका परिवारलाई भरपर्दो आर्थिक सुरक्षा उपलब्ध गराउने प्रतिबद्धता कम्पनीले दोहोर्‍याएको छ।