काठमाडौँ । कृषि बिकास बैंक लि.को ५६ औ बार्षिक उत्सवको अवसरमा कृषि बिकास बैंक कर्मचारी संघ नेपाल, मुख्य कार्यालय समितिको आयोजनामा रक्तदान कार्याक्रम सम्पन्न भएको छ ।

 

कृषि बिकास बैंक कर्मचारी संघ नेपाल, मुख्य कार्यालय समितीका संयोजक राम बहादुर लामाले अध्यक्षता गर्नुभएको कार्याक्रम सह–संयोजक सुरेश कुमार क्षेत्रिले संचालन गर्नुभएको थियो ।

पेशागत महासंघ नेपालका संयोजक बाबुराम थापाको प्रमुख आतिथ्यता रहेको उक्त कार्याक्रममा अतिथिको रुपमा पेशागत महासंघ नेपालका सह–संयोजक दयाराम बस्याल, सचिवालय सदस्य मधुरेन्द्र झा, बैंकका संचालक समिति सदस्य संजिव पौडेल, बैकका निमित्त प्रमुख कार्यकारी अधिकृत प्रताप सुबेदी, बैंक, बिमा तथा बित्तीय क्षेत्र कर्मचारी संघ नेपालका अध्यक्ष धर्म प्रसाद मैनाली, कृषि बिकास बैंक कर्मचारी संघ नेपालका संयोजक लिला जि.सी. लगायत बैंकका उच्च पदस्थ कर्मचारीहरु, युनियनका प्रतिनिधीहरु लगायत उपत्यका भित्र रहनु भएका कर्मचारीहरुको उपस्थिती रहेको थियो ।

प्रमुख अतिथि तथा अतिथीहरुले रक्तदातालाई रक्तदान गर्ने सामाग्री हस्तान्तरण गरि संयुक्त रुपमा उद्घाटन गर्नु भएको उक्त कार्याक्रममा १४७ जना रक्तदाताले रक्तदान गर्नुभएको थियो ।

 

नेपाल रेडक्रस सोसाईटीले सहजिकरण गरेको उक्त कार्याक्रम हरेक बर्ष बैंक दिवसको अवसरमा कृषि बिकास बैंक कर्मचारी संघ नेपालले आयोजना गर्ने गरेको कृषि बिकास बैंक कर्मचारी संघ, नेपालका संगठन बिभाग प्रमुख छगेन्द्र आचार्यले जानकारी दिनु भयो ।