Nabil Bank
Everest Bank Limited
prabhubank

१३ बैंकको नाफा बढ्दा ७ वटाको घट्यो, कुन बैंकले कति कमाए ?

मिडिया स्पेस सोलुसन्स प्रालि

काठमाडौं ।  वाणिज्य बैंकहरुले चालू आर्थिक वर्षको दोस्रो त्रैमासिक अर्थात् छ महिना (पुस मसान्त) सम्म ३० अर्ब १३ करोड खुद मुनाफा कमाएका छन्।

 

सञ्चालनमा रहेका २० वाणिज्य बैंकले पुस मसान्तसम्म उक्त परिमाणमा खुदा नाफा गरेका हुन्। जुन गत वर्षको सोही अवधिको तुलनामा ११.८७ प्रतिशतले बढी हो।

 

 

उक्त अवधिमा १३ बैंकको नाफा बढ्दा ७ वटाको घटेको सार्वजनिक वित्तीय विवरणले देखाएको छ। प्रभु, सनराइज, सिटिजन्स, कृषि विकास, सिद्धार्थ, प्राइम कमर्सियल र नेपाल बैंकको नाफा घटेको हो।

 

 

वित्तीय विवरण सार्वजनिक गर्नेमध्ये नबिल बैंकले सबैभन्दा धेरै नाफा गरेको छ। बैंकले पुस मसान्तसम्म ३ अर्ब ४१ करोड रुपैयाँ नाफा गरेको हो। गत वर्ष सोही अवधिमा बैंकले २ अर्ब १८ करोड मुनाफा गरेको थियो। गत वर्षको सोही अवधिको तुलनामा यो वर्ष ५६.६७ प्रतिशत धेरै नाफा हो।

 

 

पुस मसान्तसम्म कृषि विकास बैंक भने १२ करोड ८९ लाख रुपैयाँ घाटामा छ। बैंकले गत वर्षको सोही अवधिमा १ अर्ब ४२ करोड रुपैयाँ मुनाफा गरेको थियो।

 

त्यसैगरी सिटिजन्स बैंकको मुनाफा पनि घटेको छ। बैंकले पुस मसान्तमा ८४ करोड १३ लाख मात्रै नाफा गरेको छ। गत वर्ष यसै अवधिमा बैंकले १ अर्ब २३ करोड मुनाफा गरेको थियो।

 

 

यता सिभिल बैंकको नाफा बढेको देखिएको छ। गत वर्षको तुलनामा बैंकको नाफा बढेर ६३ करोड ७० लाख रुपैयाँ पुगेको हो। गत वर्ष सोही अवधिमा बैंकले ५० करोड ४० लाख रुपैयाँ नाफा गरेको थियो।

 

त्यस्तै, एभरेष्ट बैंकले पनि नाफा बढाउन सफल भएको छ। बैंकले पुस मसान्तसम्म १ अर्ब ५८ करोड रुपैयाँ नाफा गरेको छ। गत वर्ष सोही अवधिमा बैंकले ८३ करोड ८९ लाख रुपैयाँ नाफा गरेको थियो।

 

अर्को वाणिज्य बैंक ग्लोबल आईएमई बैंकको नाफा पनि बढेको छ। बैंकले २ अर्ब ७८ करोड रुपैयाँ नाफा गरेको हो। गत वर्ष सोही अवधिमा बैंकले २ अर्ब ६६ करोड रुपैयाँ मात्र नाफा गरेको थियो।

 

हिमालयन बैंकको पनि नाफा बढेको छ। बैंकको नाफा बढेर ९५ करोड ४७ लाख पुगेको छ। गत वर्ष सोही अवधिमा बैंकले ७४ करोड ३४ लाख नाफा गरेको थियो।

 

लक्ष्मी बैंकको पनि नाफा बढेर १ अर्ब ७ करोड रुपैयाँ पुगेको छ। गत वर्ष सोही अवधिमा बैंकले ८१ करोड ७३ लाख नाफा गरेको थियो।

गत वर्षको सोही अवधिको तुलनामा माछापुच्छ्रे बैंकको नाफा पनि बढेर १ अर्ब २ करोड पुगेको छ। गत वर्ष सोही अवधिमा बैंकले १ अर्ब १ करोड रुपैयाँ नाफा गरेको थियो।

 

यता नेपाल बैंकको नाफा भने घटेको छ। गत वर्षको सोही अवधिको तुलनामा बैंकको नाफा घटेर नाफा १ अर्ब १७ करोडमा सीमित भएको हो। गत वर्ष सोही अवधिमा बैंकले १ अर्ब ४१ करोड रुपैयाँ नाफा गरेको थियो।

 

नेपाल एसबीआई बैंकले पनि उक्त अवधिमा नाफा बढाउन सफल भएको छ। पुस मसान्तसम्म चालू आवमा बैंकको नाफा १ अर्ब १७ करोड रुपैयाँ पुगेको छ। गत वर्ष सोही अवधिमा बैंकको नाफा ७८ करोड २७ लाख रुपैयाँ थियो।

 

त्यस्तै, एनआईसी एसिया बैंकको नाफा बढेर ३ अर्ब २७ करोड रुपैयाँ पुगेको छ। गत वर्ष सोही अवधिमा बैंकले २ अर्ब ४० करोड रुपैयाँ नाफा गरेको थियो।

 

एनएमबी बैंकको नाफा बढेर १ अर्ब ९० करोड रुपैयाँ पुगेको छ। गत वर्ष सोही अवधिमा बैंकले १ अर्ब ७१ करोड नाफा गरेको थियो।

 

प्रभु बैंकको नाफा भने घटेको छ। बैंकको नाफा घटेर १ अर्ब १९ करोडमा सीमित भएको छ। गत वर्ष सोही अवधिमा बैंकले १ अर्ब २६ करोड रुपैयाँ नाफा गरेको थियो।

 

प्राइम कमर्सियल बैंकको नाफा घटेको छ। बैंकको नाफा घटेर १ अर्ब ६५ करोड रुपैयाँमा सीमित भएको छ। गत वर्ष सोही अवधिमा बैंकले १ अर्ब ६७ करोड नाफा गरेको थियो।

 

सानिमा बैंकको नाफा बढेको छ। बैंकको नाफा बढेर १ अर्ब २८ करोड पुगेको छ। गत वर्ष सोही अवधिमा बैंकले १ अर्ब २ करोड नाफा गरेको थियो।

 

सिद्धार्थ बैंकको नाफा घटेको छ। बैंकको नाफा घटेर १ अर्ब १६ करोडमा सीमित भएको छ। गत वर्ष सोही अवधिमा बैंकले १ अर्ब ५७ करोड रुपैयाँ नाफा गरेको थियो।

 

स्ट्यान्डर्ड चार्टर्ड बैंकको नाफा बढेको छ। बैंकको नाफा बढेर १ अर्ब ७५ करोड रुपैयाँ पुगेको छ। गत वर्ष सोही अवधिमा बैंकले १ अर्ब ८ करोड नाफा गरेको थियो।

 

सनराइज बैंकको नाफा घटेको छ। बैंकका नाफा घटेर ६५ करोड ३९ लाखमा सीमित भएको छ। गत वर्ष सोही अवधिमा बैंकले ७४ लाख ५५ करोड नाफा गरेको थियो।

 

राष्ट्रिय वाणिज्य बैंकको पनि यो अवधिमा नाफा बढेको छ। बैंकको नाफा बढेर २ अर्ब ७१ करोड पुगेको छ। गत वर्ष सोही अवधिमा बैंकले १ अर्ब ९१ करोड रुपैयाँ नाफा गरेको थियो।

 

सेञ्चुरी बैंक, इन्भेष्टमेन्ट बैंक, कुमारी बैंक, एनसीसी बैंक, बैंक अफ काठमाण्डू र मेगा बैंकले भने दोस्रो त्रैमासिक वित्तीय विवरण सार्वजनिक गरेका छैनन्। यी बैंकहरु भर्खरै मर्जरमा सामेल भएका थिए।

 

एनआईसी एशिया बैंकले कर्जा ग्राहकहरुलाई प्रदान गरिने छुट सम्वन्धी योजना सार्वजनिक

एनआईसी एशिया बैंकले कर्जा ग्राहकहरुलाई प्रदान गरिने...

वि.सं.२०८१ असार ११ मंगलवार ०८:१५

  काठमाडौं । एनआईसी एशिया बैंकले कर्जा ग्राहकहरुलाई प्रदान गरिने...

अब पुरानै ढर्राले व्यवसाय चल्न सक्दैन : गभर्नर

अब पुरानै ढर्राले व्यवसाय चल्न सक्दैन :...

वि.सं.२०८१ असार ११ मंगलवार ०७:५१

  काठमाडौँ । नेपाल राष्ट्र बैंकका गभर्नरमा महाप्रसाद अधिकारीले व्यवसायहरू...

सरकारले दक्ष र व्यवसायिक व्यक्तिलाई छिट्टै धितोपत्र बोर्ड अध्यक्ष नियुक्त गर्छ : अर्थमन्त्री

सरकारले दक्ष र व्यवसायिक व्यक्तिलाई छिट्टै धितोपत्र...

वि.सं.२०८१ असार ११ मंगलवार ०७:४६

    काठमाडौँ, १० असार– अर्थमन्त्री वर्षमान पुन अनन्तले दक्ष...

एभरेस्ट इन्टरनेशनल मोडेल युनाइटेड नेशन्स (EIMUN) २०२४ काठमाडौंमा

एभरेस्ट इन्टरनेशनल मोडेल युनाइटेड नेशन्स (EIMUN) २०२४...

वि.सं.२०८१ असार १० सोमवार २०:३३

  २०८१ असार १०, काठमाडौं- एभरेस्ट इन्टरनेशनल मोडेल युनाइटेड नेशन्स...

आर्थिक वृद्धिदर ७ प्रतिशतसम्म पुर्‍याउन सकिन्छ : अर्थसचिव मरासिनी

आर्थिक वृद्धिदर ७ प्रतिशतसम्म पुर्‍याउन सकिन्छ :...

वि.सं.२०८१ असार १० सोमवार ०७:५८

    काठमाडौं । अर्थसचिव मधुकुमार मरासिनीले आर्थिक वृृद्धिदर ७...

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

‘जोखिमपूर्ण सम्पत्तिको व्यवस्थापनमा सहकार्य गरौं, मनोवल बढाऔं’

वि.सं.२०८१ असार ९ आइतवार १५:४७

    काठमाडौं । सरकार तथा बैंक तथा वित्तीय संस्थाका...