काठमाडौं । नेपाल प्रहरीका चार प्रहरी नायव महानिरीक्षक डीआईजीलाई अतिरिक्त महानिरीक्षक एआईजीबुढुवाका लागि सिफारिस भएका छन् ।

सोमबार बिहान बसेको बढुवा समितिको बैठकले डीआईजीहरु सन्दीप भण्डारी, सुदीप गिरी, मीरा चौधरी र टेकबहादुर तामाङलाई एआईजीमा बढुवा गर्न सिफारिस गरेको विज्ञप्ति मार्फत जानकारी दिइएकोे छ ।

उनीहरु गत असार १४ गते डीआईजीमा बढुवा हुँदाको वरियता अनुसार नै एआईजी बढुवामा परेका छन् ।

यही चैत ११ गतेदेखि एआईजीहरु सहकुल थापा, उत्तमराज सुवेदी र दिवेश लोहनीले अवकास पाएका थिए भने वसन्त कुँवर आईजीपी भइसकेका छन्। गत असारमा १७ जना एकैसाथ डीआईजीमा बढुवा भएका थिए। उनीहरूभन्दा अघिल्लो वरियतामा रहेका टेकप्रसाद राई, दीपक थापा, श्यामलाल ज्ञवाली र किरण बज्राचार्य एआईजी भएका छन् ।

नेपाल प्रहरीमा जनजपदतर्फ आठ एआईजीको दरबन्दी छ।