काठमाडौं । नेपाल दूरसञ्चार प्राधिकरणका अध्यक्ष पुरुषोत्तम खनालले सर्वोच्च अदालतलाई यूटीएलको मुद्दा चाँडो टुङग्याउन लगाइदिन आग्रह गरेका छन् ।

मंगलबार काठमाडौंम आयोजित राष्ट्रिय सूचना तथा सञ्चार प्रविधि दिवसको कार्यक्रममा उनले देशको सञ्चार प्रविधि ९आईसीटी० विकासलाई नै अल्झाएको भन्दै यूटीएलको मुद्दा चाँडो टुङग्याउन आग्रह गरेका हुन् ।

उनले भने ‘अन्य प्रदेशमा पनि यही रफ्तारले काम अगाडि बढाइएको छ । लुम्बिनीको हकमा भने सर्वोच्च अदालतमा दायर मुद्दा अझै विचाराधीन अवस्थामा छ । हामी सम्माननिय अदालतलाई यो विषयका शीघ्र किनारा लगाईदिनको लागि अनुरोध गछौं । ’

अध्यक्ष खनालले ग्रामीण दूरसञ्चार विकास कोषको रकम प्रयोग गरेर हालसम्म १६६७ किमी अप्टिकल फाइबर विस्तार कार्य सम्पन्न भएको जानकारी दिए । उनले मध्यपहाडी लोकमार्गमा ५० ओटा डीडब्लूडीएम र ९० ओटा उच्च क्षमताका राउटर जडानको कार्य समेत सकिएको बताए ।