काठमाडौं । जनता समाजवादी पार्टीका अध्यक्ष उपेन्द्र यादवले, यथास्थितिमा बजेट पास हुन नदिने बताएका छन् ।
बिहीबार पत्रकार सम्मेलनमा उनले आफ्नै गठबन्धन सरकारले ल्याएको बजेटमाथि असन्तुष्टि पोख्दै बजेट नसच्याए पास नहुने स्पस्ट पारे ।

गठबन्धन सरकारले ल्याएको बजेटले मधेश प्रदेशका धेरै क्षेत्रलाई उपेक्षा गरेको उनको टिप्पणी छ ।

‘सरकारले गठबन्धनमा रहेका दलहरुसंग छलफल नै नगरि बजेट ल्याएको छ, त्यसले पुरै मधेश लगायतका धेरै क्षेत्रलाई उपेक्षा गरेको छ । यसलाई सच्याउनु र सुधार गर्नुपर्छ भन्दै आएका छौं । यथास्थितिमा यो बजेट पास हुन कठिन छ ।’ उनले भने ।

बजेटबारे अर्थमन्त्री र प्रधानमन्त्रीलाई भेटेरै सच्याउनुपर्ने जानकारी गराएको र सोबारे दुबै सकारात्मक रहेको बताएका यादवले बजेट सच्चाएपछि मात्रै पास हुने विश्वास व्यक्त गरे ।