काठमाडौं । उपसभामुख इन्दिरा राना मगरले जन्मथलो र जन्म दिने आमा सबै भन्दा महत्वपूर्ण हुने बताएकी छन् ।

आईतबार काठमाडौंमा आयोजित होमबहादुर र प्रेमकुमारी श्रेष्ठ मातृभूमि पहिचान ट्रस्ट शुभारम्भ तथा सम्मान कार्यक्रममा उनले देशलाई माया नगर्नले देशको महत्व बुझ्न नसक्ने बताएकी हुन् ।

उनले भनिन् ‘ जसले आफ्नो आमलाई माया गर्दैन उसले कसैलाई पनि माया गर्न सक्दैन । जसले आफ्नो देशलाई माया गर्न सक्दैन उसले देशको महत्वलाई पनि बुझ्न सक्दैन् ।’

आफूले पहिल्यैदेखि विभिन्न राजनीतिज्ञहरुको संगत गरेपनि, कहिल्यै राजनीतिक स्वार्थको पछि नलागेको दाबी गरिन् ।

‘सत्ताको स्वार्थ लिने भए म नीर्मल लामाको उहिले संगत पाएको मान्छे पारिजातको उहिले संगत पाएको मान्छे । मेरै गाउँका धेरै राजनीतिज्ञहरु संग संगत भईसकेको तर म कुनै पार्टीमा गईन् ।’ उनले भनिन् ।

अधिकार ओगटेर बसेका पुरुषले महिलालाई सम्मान र अधिकार दिन हिच्किचाउने गरेको उनको आरोप छ ।