काठमाडौं । साइबर सुरक्षा कम्पनी वन कभर प्राइभेट लिमिटेड र ग्लोबल कलेजको स्वामित्व र व्यवस्थापनमा रहेको लिबर्टी कलेजले साइबर सुरक्षा हेल्प डेस्क स्थापना गर्न समझदारीपत्रमा हस्ताक्षर गरेका छन्।

लिबर्टी कलेज ग्लोबल कलेजको एक मात्र स्वामित्व र व्यवस्थापनमा रहेको छ र यसले पोखरा विश्वविद्यालयसँग सम्बद्ध बीसीएसआईटीबाट आईटी कार्यक्रम सुरु गरेको छ।

यस ऐतिहासिक संस्थागत सहकार्यको उद्देश्य कलेजमा साइबर सुरक्षा जागरूकता, शिक्षा, र घटनाको व्यवस्थापनलाई उल्लेखनीय रूपमा वृद्धि गर्नु हो, जसले लिबर्टी कलेज र विशेष गरी यसको विद्यार्थी समुदायको लागि सुरक्षित र जानकारीयुक्त डिजिटल वातावरण प्रदान गर्दछ।

वन कभरको तर्फबाट सीईओ चिरञ्जीवी अधिकारी र लिबर्टी कलेज तथा यसको मातृ कम्पनी ग्लोबल कलेजका शैक्षिक निर्देशक डा. देव राज पनेरुले वन हबको टोलीको उपस्थितिमा एमओयूमा हस्ताक्षर गरेका थिए।

साथै लिबर्टी कलेजका कार्यकारी निर्देशक नव राज भण्डारी, प्रिन्सिपल प्रदीप पराजुली, आईटीको शैक्षिक प्रमुख डा. समीर खरेल र लिबर्टी कलेजको टोली उपस्थित थिए।

उक्त साइबर सुरक्षा हेल्प डेस्कले विद्यार्थी, कर्मचारी, र संकायलाई साइबर सुरक्षासम्बन्धी विषयमा व्यापक सहयोग र मार्गदर्शन प्रदान गर्नेछ, जसले लिबर्टी कलेजमा सबैले डिजिटल दुनियाँ सुरक्षित रूपमा नेभिगेट गर्न आवश्यक स्रोतहरूमा पहुँच पाउने सुनिश्चित गर्ने बताईएको छ। त्यसैगरी हेल्प डेस्कले साइबर सुरक्षा घटनामा परेको पिडित व्यक्तिहरूलाई तत्काल स्रोतहरू र सहयोग प्रदान गर्नेछ, जसले क्षतिको न्यूनिकरण गर्न समयमा नै प्रभावकारी प्रतिक्रिया सुनिश्चित गर्नेछ।

वन कभरले साइबर सुरक्षा हेल्प डेस्क स्थापना र सञ्चालन गर्ने, जसले यसलाई जानकार विशेषज्ञहरूले सुसज्जित बनाउने भने लिबर्टी कलेजलाई साइबर सुरक्षा शिक्षामा अगाडि राख्दै विभिन्न साइबर सुरक्षा गतिविधिहरूका लागि प्राविधिक विशेषज्ञता र स्रोतहरू प्रदान गर्नेछ। यसैगरी साइबर सुरक्षा घटनाहरूको समयमा समर्थन र समाधान सुनिश्चित गर्ने सहमति भएको जनाईएको छ।