काठमाडौं । प्रभु बैंक लिमिटेड र त्रिपुरेश्वरस्थित ब्लु क्रस हस्पिटल प्रा. लि. बीच अस्पताल सेवामा विशेष छुट प्रदान गर्ने सम्झौता भएको छ। सम्झौताअनुसार प्रभु बैंकका ग्राहक र कर्मचारीहरूले ब्लु क्रस हस्पिटलका विभिन्न सेवामा ५% देखि १२% सम्म छुट प्राप्त गर्नेछन्।

सम्झौतामा ब्लु क्रस हस्पिटलका रजत श्रेष्ठ र प्रभु बैंकका बाग्मती प्रदेश क्षेत्र नं १ का प्रमुख दिपेन्द्र बाबु बिष्टले हस्ताक्षर गरेका छन्। सम्झौतामा ग्राहकहरूले प्रभु बैंकका डेबिट कार्ड, क्रेडिट कार्ड, प्रिभलेज कार्ड, वा क्यूआर कोडमार्फत छुट प्राप्त गर्न सक्नेछन्।

ब्लु क्रस हस्पिटलले दशकौंदेखि उच्चस्तरीय स्वास्थ्य सेवाहरू प्रदान गर्दै आएको छ। अस्पतालले आकस्मिक उपचार, सघन उपचार, पेन मेडिसिन र स्वास्थ्य परीक्षण प्याकेजहरूको सुविधा समेत उपलब्ध गराउँदै आएको छ।

प्रभु बैंक, जसले हाल “बैंक अफ द इयर २०२३” को उपाधि जितेको छ, नेपालभर ३१५ शाखा, २८६ एटीएम, र ६९ एक्सटेन्सन काउन्टरमार्फत सेवा प्रदान गर्दैछ। बैंकले हालै फिनाकल ईन्फोसिस ईनोभेसन गोल्ड–२०२४ अवार्ड पनि जितेको छ।