काठमाडौं । चेतक ईभीले नाइमा मोबिलिटी एक्स्पो २०२५ मा आफ्नो आधिकारिक एन्थम ‘भाइब नै बेग्लै छ’ को म्युजिक भिडियो सार्वजनिक गरेको छ। लोकप्रिय गायक तथा चेतकका ब्रान्ड एम्बेसडर नितेशजंग कुँवरको प्रस्तुति रहेको यो भिडियो श्रावण २३ गते भृकुटीमण्डपस्थित स्टल आर३ बी, हल बीमा लोकार्पण गरिएको हो।

यो एन्थमले चेतक ईभीको मुख्य सन्देश “फुल्ली लाइफप्रुप”लाई परिभाषित गर्छ। IP67 रेटेड वाटर एन्ड डस्ट प्रोटेक्सन, सोलिड मेटल बडी र स्मार्ट फिचर्सका कारण चेतक ईभीले सडकमा मात्र होइन, संस्कृतिमा पनि छुट्टै स्थान बनाउन लागेको कम्पनीको दाबी छ।

गोल्छा ग्रुपका मार्केटिङ प्रमुख अमितराज चलिसेले चेतक ईभीलाई स्वतन्त्रता र आधुनिकताको प्रतीक बताउँदै भने, “यो एन्थममार्फत हामी मोबिलिटीलाई संगीत र जीवनशैलीसँग जोड्ने सांस्कृतिक परिवर्तन ल्याउँदैछौं।”

बजाज अटोको ग्लोबल ईभी पोर्टफोलियोअन्तर्गतको चेतक ईभीमा १५३ किलोमिटरसम्मको रेन्ज, इनबिल्ट नेभिगेसन, म्युजिक कन्ट्रोल, कल अलर्टजस्ता स्मार्ट फिचर्स र छिटो चार्ज हुने क्षमता छन्। यसको मूल्य ३ लाख २५ हजार रुपैयाँ निर्धारण गरिएको छ।