काठमाडौं । डिशहोमले नेपालको अग्रणी हस्पिटालिटी समूहमध्ये एक सिद्धार्थ हस्पिटालिटीसँग आधिकारिक सम्झौता गर्दै आफ्ना सबै सक्रिय ग्राहकलाई भर्चुअल प्रिभिलेज कार्डमार्फत विशेष छुट र सुविधा प्रदान गर्ने भएको छ।

यस साझेदारी अन्तर्गत, डिशहोमका ग्राहकहरूले सिद्धार्थ हस्पिटालिटीका होटल, रिसोर्ट, कटेज, रेस्टुरेन्ट तथा क्याफे आवासमा २०% छुट र फुड एण्ड बेभरेजमा १०% छुट पाउनेछन्।

डिशहोमका सीईओ तारा मानन्धरका अनुसार, “सिद्धार्थ हस्पिटालिटी नेपालको प्रतिष्ठित हस्पिटालिटी ब्रान्ड हो, र यस साझेदारीमार्फत हामीले हाम्रो ग्राहकलाई उत्कृष्ट आतिथ्य अनुभवसँगै विशेष सुविधा प्रदान गर्न पाउनेछौं।”

भर्चुअल प्रिभिलेज कार्ड केवल सक्रिय डिशहोम ग्राहकका लागि ‘माइ डिशहोम’ एपमा उपलब्ध छ। एपमार्फत कार्ड हेरी सहभागी आउटलेटहरूको सूची हेर्न सकिने र सिद्धार्थ हस्पिटालिटीका आउटलेटमा कार्ड देखाएर छुट लिन सकिने कम्पनीले जनाएको छ।