काठमाडौं । ओप्पो नेपालले नयाँ फ्ल्यागशिप फोल्डेबल स्मार्टफोन ‘ओप्पो फाइन्ड एन५’ सार्वजनिक गरेको छ। केवल ८.९३ मि.मि. पातलो र २२९ ग्राम तौल भएको यो स्मार्टफोन विश्वकै सबभन्दा पातलो र हल्का बुक–स्टाइल फोल्डेबल भएको कम्पनीले दाबी गरेको छ।

८.१२ इन्चको इनर डिस्प्ले, ५६०० एमएएच सिलिकन–कार्बन ब्याट्री, स्न्यापड्रागन ८ एलाइट मोबाइल प्लेटफर्म र ह्यासलब्लाड मास्टर क्यामेरा सिस्टम यसको प्रमुख विशेषता हुन्। यसमा आईपीएक्स९ वाटर रेजिस्टेन्स, टाइटेनियम फ्लेक्सन हिंज, ८० वाट सुपरभुक वायर चार्जिङ र ५० वाट एयरभुक वायरलेस चार्जिङ सुविधा समेत उपलब्ध छ।

कलरओएस १५ मा आधारित यसमा कॉल समरी, डुअल–स्क्रिन इन्टरप्रिटर र म्याक तथा आइओएससँग सिमलेस कनक्टिभिटी जस्ता स्मार्ट फिचरहरू छन्।

‘ओप्पो फाइन्ड एन५’ १६ जीबी र्याम + ५१२ जीबी भर्सनमा रु. २,४९,९९९ मा उपलब्ध भएको छ र शून्य प्रतिशत ईएमआई योजनासहित खरिद गर्न सकिनेछ।