काठमाडौं । प्रभु बैंकका सदस्य बोध किशोर लिम्बू ताम्लिङ आज बिहान लोबुचे हिमाल आरोहणका लागि सगरमाथा छेउबाट प्रस्थान गरेका छन्। उनले यसअघि औपचारिक रूपमा कुनै हिमाल आरोहण नगरे पनि गाउँमा घाँसदाउरा गर्दै डाँडाकाँडा चढ्ने अनुभवलाई आधार मानेर आत्मविश्वासपूर्वक यात्रामा निस्किएका हुन्।

लिम्बूले आगामी २० दिनभित्र लोबुचे हिमालको शिखरमा पुगेर प्रभु बैंकको लोगो सहितको  झण्डा फहराउने लक्ष्य लिएका छन्। उनको सफल आरोहणका लागि परिवार, बैंकका साथी तथा शुभचिन्तकहरूले शुभकामना दिएका छन्।