काठमाडौं । एससीटी युनियन पे कार्डवाहकले ललितपुरको पुल्चोकस्थित लबिम मलमा अब प्रतिघण्टा १ रुपैयाँमा पार्किङ सुविधा पाउने भएका छन्।

स्मार्टच्वाइस टेक्नोलोजिज लिमिटेड (एससीटी) र लबिम मलबीच यस सुविधा सम्बन्धी सम्झौता भएको हो। सम्झौता अनुसार कार्डवाहकले लबिम मलको अन्डरग्राउन्ड पार्किङमा अधिकतम ५ घण्टासम्म प्रतिघण्टा १ रुपैयाँका दरले पार्किङ सुविधा लिन सक्नेछन्।

ग्राहकले यो सुविधा लिनका लागि पार्किङ शुल्क एससीटी युनियन पे कार्डमार्फत लबिम मलको पार्किङमा रहेको पीओएस मेसिनमा भुक्तानी गर्नुपर्नेछ।

एससीटीका अनुसार मंगलबारदेखि सुरु भएको यो अफर सेप्टेम्बर महिनाभरि लागू रहनेछ।