काठमाडौं । आरम्भ चौतारी लघुवित्त वित्तिया संस्था लिमिटेड र प्रभु बैंक लिमिटेडबीच आरम्भ चौतारी लघुवित्तका कार्यरत कर्मचारीहरूलाई सुविधा सम्पन्न र सहज बैंकिङ सेवा प्रदान गर्ने उद्देश्यले विशेष छुट सम्झौता सम्पन्न भएको छ।

सम्झौतापत्रमा आरम्भ चौतारी लघुवित्त वित्तिया संस्था लिमिटेडका तर्फबाट प्रमुख कार्यकारी अधिकृत श्री शिव प्रसाद ज्ञवाली र प्रभु बैंक लिमिटेडका तर्फबाट प्रमुख श्री लेख बहादुर पुनले हस्ताक्षर गर्नुभयो।

यस सम्झौता पश्चात आरम्भ चौतारी लघुवित्तका कर्मचारीहरूले प्रभु बैंकमार्फत उत्कृष्ट बैंकिङ सेवाहरू—जस्तै तलब खाता सञ्चालन, विशेष ब्याज दर, डिजिटल बैंकिङ, ऋण तथा कार्ड सेवामा विशेष सुविधा—प्राप्त गर्न सक्नेछन्।

प्रभु बैंकले यो सहकार्यले दुबै संस्थाबीचको सम्बन्धलाई अझ सुदृढ बनाउने विश्वास व्यक्त गरेको छ।

त्यसैगरी, देशभर ३१२ शाखा कार्यालय, २८६ एटीएम र ६९ एक्सटेन्सन काउन्टरमार्फत करिब ३१ लाखभन्दा बढी ग्राहकलाई सेवा प्रदान गर्दै आएको प्रभु बैंकले “विश्वास लिन्छौं, विश्वास दिन्छौं” भन्ने मूल नाराका साथ आधुनिक प्रविधि र नवप्रवर्तनयुक्त वित्तीय सेवा प्रवाह गर्दै आएको छ।

प्रभु बैंकले हालै प्राप्त गरेका अन्तर्राष्ट्रिय मान्यता र पुरस्कारहरू — ‘बैंक अफ द इयर २०२३’, ‘फिनाकल इन्फोसिस इन्नोभेसन गोल्ड अवार्ड २०२४’ र ‘युरोमनी बेस्ट डिजिटल बैंक फर एसएमई – २०२५’ —ले बैंकको उत्कृष्ट सेवा र विश्वसनीयताको प्रमाण प्रस्तुत गरेको छ।