काठमाडौँ । संयुक्त अरब इमिरेट्स (यूएई) को अबुधाबीमा सम्पन्न २०२५ पब्जी मोबाइल सुपर लिग सेन्ट्रल एन्ड साउथ एशिया फल सिजन रोमाञ्चक र प्रतिस्पर्धात्मक वातावरणमा सम्पन्न भएको छ। ६ दिनसम्म चलेको प्रतियोगितामा तीव्र प्रतिस्पर्धा, रणनीतिक खेल र अविस्मरणीय क्षणहरू देख्न पाइयो।

यस सिजनपछि जम्मा छ टोलीले २०२५ पब्जी मोबाइल ग्लोबल च्याम्पियनसिप (PMGC) का लागि आफ्नो स्थान सुरक्षित गरेका छन्। Virtus.PRO, Alpha Gaming, र Mad Bulls ले उत्कृष्ट रैंकिङका आधारमा PMGC Gauntlet Stage मा स्थान पाए भने Arcred, Inner Circle, र GOAT ले PMGC Rating Points को आधारमा PMGC Group Stage मा स्थान सुरक्षित गरे।

नेपालबाट Horaa Esports, 4YONKO ROYAL JUTTI, र NEPEX Esports ले PMSL Group Stage मा नेपालको प्रतिनिधित्व गर्दै उत्कृष्ट प्रदर्शन गरे। Horaa Esports ले अमेरिकी डलर ११,७५०, 4YONKO ROYAL JUTTI ले ४,७५० र NEPEX Esports ले १,७५० नगद पुरस्कार प्राप्त गरे। यी टोलीहरूको प्रदर्शनले अन्तर्राष्ट्रिय मञ्चमा नेपालको इ–स्पोर्ट्स क्षमताको उल्लेखनीय उपस्थिति जनाएको छ।