काठमाडौं । सानिमा रिलायन्स लाइफ इन्स्योरेन्स कम्पनी लिमिटेडले चालु आर्थिक वर्षको पहिलो त्रैमासिक वित्तीय विवरण प्रकाशित गरेको छ। विवरण अनुसार कम्पनीको वित्तीय सूचकहरूमा उल्लेख्य प्रगति देखिएको छ। कम्पनीले गत आवको असोज मसान्तसम्म १३ करोड २९ लाख रुपैयाँ खुद नाफा कमाएकोमा चालु आवमा १२.५३ प्रतिशतले वृद्धि भई १४ करोड ९६ लाख रुपैयाँ नाफा कमाएको छ।

त्यसैगरी, तीन महिनामा खुद बीमाशुल्क आर्जन १ अर्ब ५० करोड ३७ लाखबाट १८.५२ प्रतिशतले बढेर १ अर्ब ७८ करोड २१ लाख रुपैयाँ पुगेको छ। कुल आम्दानी २ अर्ब ९ करोड ४८ लाख रुपैयाँबाट ७.४१ प्रतिशतले बढेर २ अर्ब २५ करोड रुपैयाँ पुगेको छ।

कुल खर्च पनि १ अर्ब ९६ करोड २५ लाखबाट ७.०७ प्रतिशतले बढेर २ अर्ब १० करोड १३ लाख रुपैयाँ पुगेको छ। बीमा दाबी भुक्तानी ४६ करोड ५१ लाखबाट घटेर ३९ करोड ९७ लाख रुपैयाँ भएको छ भने अभिकर्ता कमिशन १५ करोडबाट १७ करोड ११ लाख रुपैयाँ पुगेको छ।

कम्पनीको चुक्ता पूँजी ५ अर्ब १ करोड ४९ लाख रुपैयाँ, महाविपत्ति कोषमा १४ करोड ९२ लाख र जगेडा कोषमा ४० करोड ६९ लाख रुपैयाँ सञ्चिति रहेको छ। प्रतिशेयर नेटवर्थ ११०.५७ रुपैयाँ र प्रतिशेयर आम्दानी ११.९३ रुपैयाँ कायम भएको छ।

सानिमा रिलायन्स लाइफको यी परिणामले कम्पनीको वित्तीय स्थिरता र लाभप्रदता दुवैमा सकारात्मक संकेत देखाएको विश्लेषकहरू बताउँछन्।