काठमाडौं । साताको पहिलो कारोबार दिन आइतबार प्रि–ओपन सेसनमै नेप्से परिसूचक वृद्धि भएको छ। गत बिहीबार १.१३ अंकले बढेर २५४५.७३ विन्दुमा बन्द भएको नेप्से आज प्रि-ओपन सेसनमा थप ४.४४ अंकले उक्लिँदै २५५०.१७ विन्दुमा पुगेको छ।

समाचार तयार पार्दाको अवस्थासम्म कुल ४७ स्टकको १०५ पटकको कारोबारमार्फत १२ हजार ७५६ कित्ता सेयर किनबेच भएको छ। कारोबार रकम करिब ७० लाख १० हजार ६४० रुपैयाँ पुगेको छ।

उक्त सेसनमा २४ स्टकको मूल्य बढेको, १५ स्टकको मूल्य घटेको र बाँकी ८ स्टकको मूल्य स्थिर रहेको नेप्सेले जनाएको छ।