काठमाडौं । ज्योति विकास बैंक लिमिटेडले चितवनको सौराहास्थित ‘Rhino Lodge and Hotel’ मा आफ्ना ग्राहकहरूलाई विशेष छुट प्रदान गर्ने सम्बन्धी सम्झौता गरेको छ।

सम्झौताअनुसार अब ज्योति विकास बैंकका ग्राहकहरूले उक्त होटलमा २५ प्रतिशतसम्म छुट प्राप्त गर्न सक्नेछन्। सौराहाको रमणीय प्राकृतिक दृश्य, शान्त वातावरण तथा उच्चस्तरीय सेवा सुविधाका कारण उक्त होटल चितवनको प्रमुख पर्यटकीय गन्तव्यका रूपमा स्थापित भएको बैंकले जनाएको छ।

बैंकले संस्थागत सुशासनलाई प्राथमिकतामा राख्दै समाजप्रति उत्तरदायी भएर काम गर्दै आएको जनाएको छ। सामाजिक उत्तरदायित्व कार्यक्रम अन्तर्गत अन्य बैंक तथा वित्तीय संस्थाहरूको तुलनामा ५० प्रतिशत बढी रकम सामाजिक कार्यमा विनियोजन गरिएको बैंकको दाबी छ।

बैंकले नवजात शिशुको अकाल मृत्यु रोकथाम तथा जीवन रक्षा गर्ने उद्देश्यले सञ्चालन गरिएको ‘न्यानो नानी’ कार्यक्रममार्फत हरेक वर्ष २,५९० भन्दा बढी नेपाली शिशुको जीवन रक्षा गर्न योगदान पुर्‍याएको जनाएको छ।

गत आर्थिक वर्षमा बैंकले करबापत ४१ करोड रुपैयाँ योगदान गरेको जानकारी दिएको छ। हाल ज्योति विकास बैंकले उपत्यका तथा उपत्यकाबाहिर ११८ शाखा कार्यालय, ३ विस्तारित काउन्टर तथा ७५ वटा एटीएममार्फत बैंकिङ सेवा प्रदान गर्दै आएको छ।