काठमाडौं । सेन्सी (Sensei) ब्रान्डले Smart Button र Wash+ प्रविधिसहितको नयाँ फ्रन्ट लोड वासिङ मेसिन नेपाली बजारमा सार्वजनिक गरेको छ। १० केजी क्षमताको उक्त वासिङ मेसिन (मोडेल: SWM10FL3) को नेपालका लागि आधिकारिक वितरक CG Electronics रहेको छ।

CG Group अन्तर्गतको सेन्सी ब्रान्ड वासिङ मेसिन, रेफ्रिजेरेटर, टेलिभिजन तथा अन्य होम अप्लायन्स उत्पादनमार्फत नेपाली बजारमा लोकप्रिय बन्दै गएको कम्पनीले जनाएको छ। गुणस्तर, टिकाउपन र प्रयोगकर्ता–केन्द्रित प्रविधिका कारण सेन्सी उत्पादनप्रति उपभोक्ताको विश्वास बढ्दै गएको कम्पनीको दाबी छ।

नयाँ फ्रन्ट लोड वासिङ मेसिनमा BLDC इनभर्टर मोटर प्रयोग गरिएको छ, जसले कम बिजुली खपत, न्यून आवाज र दीर्घकालीन कार्यसम्पादन सुनिश्चित गर्ने जनाइएको छ। मेसिनमा स्टीम वास, १५ मिनेटको क्विक वास, स्टेन ट्रीटमेन्ट, ECO 40–60, अटो ड्रम क्लिन, १४०० आरपीएम स्पिन स्पिड, १६ वटा वास प्रोग्राम, एलईडी डिस्प्ले, चाइल्ड लक तथा डिले फङ्सन जस्ता सुविधा उपलब्ध छन्। साथै BLDC मोटरमा १० वर्षको वारेन्टी प्रदान गरिएको छ।

यस मोडेलका प्रमुख विशेषता Smart Button र Wash+ फङ्सन रहेका छन्। Smart Button ले प्रयोगकर्ताको धुलाई बानीअनुसार आवश्यक सेटिङ स्वतः समायोजन गर्नेछ भने Wash+ फङ्सनले कपडाको अवस्थाअनुसार थप धुलाई समय उपलब्ध गराउँदै प्रभावकारी सफाइमा सहयोग गर्ने बताइएको छ।

CG Electronics का अनुसार आधुनिक नेपाली घरपरिवारको व्यस्त जीवनशैलीलाई ध्यानमा राखेर यो वासिङ मेसिन डिजाइन गरिएको हो। ग्राहकलाई सहज खरिद सुविधा दिन ० प्रतिशत ईएमआई, नागरिकताको आधारमा ईएमआई तथा एक्सचेन्ज सुविधा समेत उपलब्ध गराइएको कम्पनीले जनाएको छ।

सेन्सी ब्रान्डका वासिङ मेसिन, रेफ्रिजेरेटर, टेलिभिजन तथा अन्य होम अप्लायन्सहरू CG Electronics का आधिकारिक शोरूम तथा अधिकृत विक्रेतामार्फत नेपालभर उपलब्ध रहेको जानकारी दिइएको छ।