काठमाडौं । नेको इन्स्योरेन्स लिमिटेडले आर्थिक वर्षको नाफाबाट वितरण गर्ने १२ प्रतिशत नगद लाभांश सम्बन्धित शेयरधनीहरूको बैंक खातामा जम्मा गरेको छ।

कम्पनीको फागुन ११ गते सम्पन्न ३०औं वार्षिक साधारणसभाले पारित गरेको १२ प्रतिशत नगद लाभांश (कर बाहेक) माघ २४ गतेसम्म कायम रहेका शेयरधनीहरूको डिम्याट खातामा उल्लेख गरिएको बैंक खातामा पठाइएको कम्पनीले जनाएको छ।

कम्पनीका अनुसार हितग्राही खातामा बैंक खाता नम्बर अद्यावधिक नगरेका तथा शेयर अभौतिकीकरण (डिम्याट) नगरेका शेयरधनीलाई यथाशीघ्र उक्त प्रक्रिया पूरा गर्न आग्रह गरिएको छ।

त्यस्तै, माघ २४ गतेसम्म शेयर धितो राखेर ऋण लिएका शेयरधनीहरूले सम्बन्धित ऋण दिने संस्थाबाट ‘नो अब्जेक्सन सर्टिफिकेट’ (एनओसी) वा फुकुवा पत्र पेश गरेपछि मात्र नगद लाभांश भुक्तानी गरिने कम्पनीले स्पष्ट पारेको छ।